Komandante Tránzitu munisípiu Viqueque, Sargentu Xefe Polísia, Venseslau Moreira de Oliveira Freitas. Imajen TATOLI/Vitorino Lopes da Costa

VIQUEQUE, 20 outubru 2021 (TATOLI)–Komandante Tránzitu munisípiu Viqueque, Sargentu Xefe Polísia, Venseslau Moreira de Oliveira Freitas, relata, durante fulan-jullu to’o setembru konsege rekolla koima infrasaun hamutuk $754.

“Tuir dadus, infrasaun tranzitu hosi fulan-jullu ba kódigu estrada 23 rekolla $191, agostu infrasaun estrada 35 rekolla $325 no infrasaun estrada ne’ebé akontese iha setembru konsege rekolla koima $238,” Komadante Tránzitu munisípiu Viqueque, informa ba Agência TATOLI, iha ninia knaar fatin, kuarta ne’e.

Hosi janeiru, infrasaun estrada 27, ne’ebé rekolla koima $797, fevereiru infrasaun 31 ho koima $399, marsu infrasaun 33 no koima $524, abríl infrasaun neen no koima $180, maiu infrasaun 25 no koima $386 no juñu iha infrasaun 14 no koima $180, nune’e hosi janeiru to’o setembru, koima ne’ebé rekolla hamutuk $3.220.

Aleinde ne’e, durante fulan-tolu iha kazu tráfiku haat, maibé la rezulta ema mate.

“Dezafiu ne’ebé durante ne’e ita enfrenta maka kombustível, tanba ami la hetan mina kombustível liuliu gasolina ba motorizada sira maka laiha. Maibé ida-ne’e la fó impaktu ba ami-nia servisu loron-loron,” nia akresenta.

Nune’e, Polísia Tránzitu husu ba komunidade Viqueque, ne’ebé utiliza motorizada tenki uza kapasete hodi salva vida banhira halo viajen dook ka besik.

“Ami nafatin kumpre lei, bainhira ami identifika komunidade ne’ebé la uza kapasete, ami sei fó infrasaun ba sira,” nia dehan.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here