PALOP-TL realiza semináriu orsamentasaun sensivél ba jéneru. Imajen Tatoli/Nelson de Sousa.

DILI, 20 outubru 2021 (TATOLI)—Programa PALOT-TL ne’ebé finansia hosi Uniaun Europeia no ho jestaun hosi Programa Nasaun Unida ba Dezenvolvimentu (PNUD), kuarta ne’e realiza semináriu kona-ba orsamentasaun sensível ba jéneru no fiskalizasaun Parlamentár hosi despeza Públika ho foku ba jéneru.

Prezidente Parlamentu Nasionál, Aniceto Longuinhos Guterres Lopes, hateten ida-ne’e programa rejionál ba promosaun hosi transparénsia no governasaun ekonómika di’ak, entaun Estadu tenke asume responsabilidade ida ba sidadaun no sidadaun sira hodi rasionaliza no sistematiza orsamentu, ne’ebé serve hanesan ezersísiu ida transparénsia hosi justisa sosiál nian no ho di’ak ba dezenvolvimentu ekonómiku ekuitativu.

“Ho orsamentu sensível ba jéneru promove liu-liu distribuisaun ida ne’ebé justu husi reskursu sira Estadu nian, ne’ebé kria oportunidade sira boot no di’akliu ba feto no mane hotu-hotu,” Aniceto Guterres hateten iha nia diskursu iha semináriu ne’ebé hala’o iha Otél Timor, ne’ebé partisipa hosi deputadu sira hosi Grupu Feto Parlamentár, Prezidente sira hosi Grupu no Komisaun Parlamentár sira.

Nune’e mós, Embaixadór Uniaun Europeia iha Timor-Leste, Andrew Jacobs, afirma UE iha kompromisu atu halakon siklu visiozu diskriminasaun nian bazea ba jéneru, inklui apoiu ba nasaun parseiru sira, atu kria ambiente ida-ne ‘ebé favorável ba kumprimentu direitu feto sira-nian no atu alkansa melloria reál no tanjivel iha matéria igualdade jéneru nian.

UE hakarak mundu ida ne’ebé ema hotu aseita, valoriza no respeita direitu labarik-feto no feto sira-nian no iha ne’ebé sira ida-idak iha kapasidade atu realiza sira-nia potensiál no kontribui ba sosiedade ida ne ‘ebé justu liu ba ema hotu.

Reprezentante hosi Programa Dezenvolvimentu Nasaun Unida nian iha Timor-Leste, Munkhtuya Altangerel, hateten orsamentasaun sensivel ba jéneru mak instrumentu influénsia nian no hosi jestaun, relasiona ho elaborasaun hosi orsamentu no siklu orsamentál, ne’ebé permite atu prosesu hosi toma desizaun bele sai riku no transparente.

Ne’e duni mak fundamental, hodi Governu bainhira iha prosesu planifikasaun estratéjika no orsamentasaun, bele asegura katak polítika públika sai sensível ba jéneru no katak labele husik ema ida ba kotuk, ne’ebé bele garante katak mane no feto, labarik mane no labarik feto sira iha oportunidade hanesan.

Enkuantu, semináriu enkuadra iha planu servisu Timor-Leste nian ba 2021 no ninia objetivu prinsipál maka fó kontinuidade hosi servisu sira-ne’ebé dezenvolve ona iha grupu hosi servisu nivél aas hosi fero Parlamentár sira PALOP-TL nian, hodi promove kontinuasaun hosi prosesu produsaun no informasaun, fiskalizasaun parlamentár, konstrusaun koñesimentu no implementasaun prátika metodolójika sira.

Semináriu ne’e fasilita hosi espesialista sira hosi programa Pro PALOP-TL ISC kona-ba orsamentasaun sensível ba jéneru, ne’ebé sei aborda tema sira hanesan orsamentasaun sensível ba jéneru, modelu Pro PALOP-TL ISC integrasaun nian iha abordajen hosi jéneru iha fiskalizasaun orsámental, rezultadu sira hosi análize sensível ba jéneru ba ezersísiu orsamentál sira hosi Timor-Leste (2017-2021) no ikus mai, proposta Orsamentu Estadu ba 2022. 

Kona-ba Pro PALOP-TL ISC Faze II, programa ba konsolidasaun hosi governasaun ekonomia no sistema jestaun sira hosi finansa públika iha PALOP no Timor-Leste ho objetivu hodi mellora governasaun ekonómika iha PALOP-TL.

Programa ne’e rezulta husi parseria estrátejika entre UE no PNUD, konta ho finansiamentu hosi Uniaun Europeia ho millaun 8.05 euro, ne’ebé jere diretamente hosi PNUD.

Jornalista : Nelson de Sousa

Editór       : Cançio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here