Atividade joven na'in-tolu bainhira hili sasán uzadu hanesan kalen no besi-aat sira-ne’ebé soe iha lixeiru Tibar, sesta (05/02/2021). Imajen TATOLI/António Gonçalves

DILI, 20 outubru 2021 (TATOLI)—Ministru Administrasaun Estatál (MAE), Miguel Pereira de Carvalho, aprezenta proposta iha reuniaun Konsellu Ministru (KM) no hetan aprovasaun, kuarta ne’e, kona-ba prosedimentu aprovizionammentu ba adjudikasaun kontratu relativu projetu jestaun lixu Dili.

“Projetu ne’e iha komponente tolu hanesan, prestasaun servisu rekolla no tula lixu iha sidade Dili nian, relativu ba Lote 1 – zona Oeste no Lote 2 – zona Oeste, konsesaun/dezeñu, konstrusaun, reabilitasaun no jestaun aterru nian,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu iha Palásiu Governu.

Notísia relevante: Munisípiu Dili Planea Entrega Ba Setór Privadu Halo Jestaun Lixu

Estasaun tratamentu lixu iha Tibar, sei fornese ekipamentu hodi rekolla lixu iha Dili no ba aterru no estasaun tratamentu ne’e, fornesimentu kontentór no kaixote lixu, fornesimentu ekipamentu rekolla lixu no operasaun aterru, no fornesimentu ekipamentu ba operasaun aterru.

Governu liuhosi MAE prevee ona orsamentu millaun $18 iha tinan ne’e hodi melloramentu jestaun lixu iha kapitál Dili.

Tuir dekretu-lei númeru 3/2016 kona-ba jestaun lixu, ne’ebe mak ko’alia kona-ba sistema jestaun lixu iha Timór laran liuliu ema soe lixu arbiru, tenke fó penalidade hahú husi $155 depende infrasaun.

Tuir dadus, kada loron munisípiu Dili prodús lixu tonelada 250, maibé 45% de’it mak konsege rekolla hodi tau iha fatin lixu, enkuantu seluk soe iha mota, tasi no balun sunu.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here