Ministru Ensinu Superiór, Siénsia no Kultura, Longuinhos dos Santos. Imajen TATOLI/ Francisco Sony

DILI, 20 outubru 2021 (TATOLI)— Ministériu Ensinu Superiór, Siénsia no Kultura (MESSK) tama terseiru trimestrál, ezekusaun orsamentu tinan 2021 atinje ona 70,6% ka $3.658.962,81, hosi totál alokasaun $6.133.915, ho nune’e saldo atuál falta $1.812.320,62.

Tuir Ministru Ensinu Superiór Siénsia no Kultura, Longuinhos dos Santos, ezekusaun orsamentu ba ministériu ne’e inklui Sekretaria Estadu Arte no Kultura (SEAK), barak liu iha área infraestrutura atu harii Sidade Universitáriu Aileu, apoiu uma lulik kulturál inklui prosesu tulun estudante foun sira atu tama ba Universidade Nasional Timor Lorosa’e (UNTL) ba períodu tinan 2022.

“Planu estudante foun atu tama ba UNTL iha prosesu nia laran, enkuantu prosesu instalasaun projetu boot harii Sidade Universitáriu Aileu iha ona prosesu estudu viabilidade, hafoin tuir mai maka ita tama kedan ho prosesu indemnizasaun ba komunidade afetadu iha Aileu,” Ministru Longuinhos hateten iha Palásiu Governu, kuarta ne’e.

Notísia relevante: Sidade universitáriu Aileu, millaun $2.1 ba indemnizasaun ho reklamasaun

Ba kestaun ne’e, MESSK aprova ona karta ofisiál ida hodi submete ba Ajénsia Nasionál Dezenvolvimentu (ADN) hodi husu atu aselera prosesa estudu viabilidade.

“MESSK hakarak iha tempu besik  bele hetan rezultadu ona,” nia akresenta.

Planu indemnizasaun ba komunidade afetadu projetu Sidade Universitáriu Aileu, prevee iha orsamentu tinan 2021 ho kalkulasaun provizóriu purvolta millaun $1,3 no selu reklamasaun komunidade $642.000.

Apoiu Uma-lulik hamutuk 42 no grupu indústria kreativa kulturál hamutuk 13 ho kustu $128.000.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here