Ministra Saúde, Odete Maria Freitas Belo, halo lansamentu vasina nasionál iha Covalima, kinta (22/07/2021). Imajen Tatoli/Celestina Teles

COVALIMA, 19 outubru 2021 (TATL)—Diretór Servisu Saúde Munisípiu Covalima, Filipe Pereira Lemos, hato’o agradesimentu parte seguransa, pesoál saúde, jerente sub-rejiaun no líder komntária sira tanba komunidade Covalima falta de’it 16% mak seidauk simu vasina.

Notísia Relevante: Governu fó parabéns ba komunidade Covalima tanba taxa kobertura vasinasaun aas

“Ha’u agradese ba autoridade lokál no parte seguransa hodi apoiu ba pesoál saúde sira, ita implementa vasinasaun iha Covalima, ita-nia kobertura vasinasaun no ita-nia trajetu sidadaun 40.000 mak vasina no agora ita atinji ona 84%. Signifika katak komunidade falta 16% mak seidauk vasina,” Filipe Pereira Lemos hateten iuhosi diskursu ne’ebé hato’o iha kampaña vasinasaun ne’ebé realiza iha suku Lalawa, postu administrativu Tilomar, munisípiu Covalima, tersa ne’e. 

Durante ne’e la’ós pesoál saúde sira mak hala’o de’it servisu maibé hetan apoiu hosi parte hotu no komunidade mós iha kompromisu atu simu vasina. 

“Ohin, ita falta 16% ne’ebè seidauk vasina. Ita sira-ne’ebè vasina ona, ita hotu iha kopromisu katak iha Covalima ema hotu tenke vasina to’o atinje ona 84%. Sira 16 % ne’ebé seidauk vasina ne’e, ita ne’ebé vasina ona mak lori sira atu ba vasina. Ita ne’ebè vasina ona tenke fahe tutan informasaun ba sidadaun sira-ne’ebè maka seidauk vasina, nune’e taxa kobertura vasinasaun  iha  Covalima belé atinji 100% no ita bele livre halo movimentu,” nia dehan.  

Munisípiu Covalima kompostu hosi postu administrativu Fatumea, Fatululik, Tilomar, Maucatar, Suai Vila no Zumalai ho suku hamutuk 30 no aldeia 148.

Jornalista : Celestina Teles

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here