iklan

EDUKASAUN, DILI, HEADLINE, MUNISÍPIU

Estudante 180 hosi Eskola ESJ Becora seidauk partisipa aula

Estudante 180 hosi Eskola ESJ Becora seidauk partisipa aula

Ilustrasaun avaliasaun hakerek hosi alunu. Imajen/Nova Eskola

DILI, 19 outubru 2021 (TATOLI)—Estudante hamutuk 180 hosi Eskola Ensinu Sekundáriu Jerál (ESJ) 5 de Maio, Becora, to’o agora seidauk partisipa iha aula prezensiál, tanba falta informasaun.

“Estudante hirak ne’ebé seidauk marka prezensa iha aula kuaze hosi munisípiu de’it. Ami la hatene sira hetan ona informasaun ka lae, tanba ami manda mensajen liuhosi grupu WhatsAap,” Diretór Eskola EJS 5 de Maio, Manuel Verdial, informa Agência TATOLI, iha ninia knaar fatin, Becora, tersa ne’e.

Antes ne’e, Governu liuhosi Ministériu Edukasaun Juventude no Desportu (MEJD) reativa ona aula prezensiál ensinu báziku to’o ensinu sekundáriu iha munisípiu Dili iha 20 setembru.

Notísia relevante: MEJD autoriza eskola 99 iha Dili reativa aula prezensiál

Estudante iha Eskola ESJ ne’e hamutuk 2.140, maibé estudante 10o ano kuaze 100 no hosi 11o ano iha estudante 80 mak seidauk marka prezensa iha aula to’o agora.

“Oinsá labarik sira atu partisipa ezame pasajen, se agora sira la mai tuir aula hodi hetan matéria. Atividade aula iha Eskola 5 de Maiu hahú ona iha setembru no agora outubru besik remata ona. Tanba ne’e, ita husu inan-aman sira atubele pasa informasaun, atu eskola bele hatene labarik sira ninia paradeiru, se lae eskola kontinua hela ho dúvida,” nia dehan.

Enkuantu, estudante 12o iha eskola ne’e kuaze partisipa hotu aula presensiál.

Jornalista : Tomé Amado

Editora      : Julia Chatarina  

iklan
iklan

Leave a Reply

iklan
error: Content is protected !!