Prezidente PN, Aniceto Longuinhos Guterres Lopes, intrega kartaun kinur vasina bai nan-feto ne’ebé simu ona vasina. Imajn/Mídia PN

DILI, 17 outubru 2021 (TATOLI)— Prezidente Parlamentu Nasionál (PPN), Deputadu Aniceto Longuinhos Guterres Lopes, enkoraja komunidade iha suku Namanei, no  Tequinaumata, Baucau atu partisipa másimu iha kampaña vasina hodi aumenta imunidade isin kombate COVID-19.

“Iha Mundu, iha nasaun ne’ebé de’it, laiha Governu ida mak hanoin atu estraga nia povu rasik. Médiku no Doutor sira ne’e mesak timoroan de’it, ita-nia alin sira, maun, bin, lalika tauk mai tuir vasina,” Prezidente PN, hateten liuhosi nota ne’ebé Agência TATOLI asesu, Domiggu ne’e.

Prezidente PN, Aniceto Longuinhos Guterres Lopes, akompaña ekipa saúde vasina komunidade sira. Imajn/Mídia PN

Iha biban ne’e, Deputadu Aniceto mós apela timoroan hotu atu tuir vasina nune’e bele livre husi moras no lalika rona informasaun falsu sira hodi fó perigu ba nia saúde públika  rasik.

“Ohin, Ha’u mak tuun rasik, semana oin Deputadu ida-idak tuun ba munisípiu sira, hodi ulun Governu liuliu Ministériu Saúde ho ekipa saúde rasik hodi halo kampaña vasina,”Prezidente PN akresenta. 

Iha kampaña refere, Prezidente PN hamutuk ekipa saúde halo mós  vizita diretamente ba populasaun nia uma hodi  vasina.

Tuir dadus hosi Autoridade Suku Namanei, Postu Administrativu Quelicai, iha populasaun hamutuk 299 mak tuir ona vasinasaun ba Doze dahuluk, enkuantu populasaun 321 maka seidauk tuir vasinasaun.

Enkuatu polusaun suku Tequinaumata, postu Laga, munsípiu Baucau populasaun 2.200 no ema ne’ebé simu ona vasina doze dauluk hamutuk 1.077.

Notísia relevante: PPN konvida ema hotu partisipa no kolabora programa vasinasaun

Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here