PCIC halo konferénsia imprensa, iha edifísiu Caicoli, sábadu (16/10). Imajen TATOLI/Natalino Costa

DILI, 16 outubru  2021 (TATOLI)–Portavóz Polísia Sientífika Investigasaun Kriminál (PCIC, sigla portugés), Ocátavio da Costa Pereira, informa, PCIC rejista ona keixa hamutuk 345, iha janeiru to’o fin setembru tinan ne’e.

“Hosi númeru keixa hirak ne’e, iha  indísiu krime, entaun PCIC  halo prosesu identifikasaun hodi prepara autonotísia krimi no remete ba Ministériu Públiku hodi halo prosesu. ID falsu laiha indísiu krime, barak liu maka difamasaun, kuandu ko’alia difamasaun la’os krime, entaun ami só fó hanoin ba sira liuhosi dalan sivil,” Portavóz PCIC informa liuhosi konferénsia imprensa, ne’ebé hala’o iha edifísu Caicoli, sábadu ne’e.

Nune’e mós, iha janeiru to’o fim setembru ne’e, rejista prosesu kazu hamutuk 61, ne’ebé halo ona relatóriu interkalar hamutuk 11, prosesu relatóriu  finál  16 no submete ona ba Ministériu Públiku.

Durante ne’e PCIC simu delegasaun kompetésia hosi Ministériu Públiku hamutuk 15.

Aleinde ne’e, rejista kazu Fragante de Litu ba krime explorasaun jogu ilísitu, falsifiksaun dokumentu no furtu agravadu.

Durante ne’e, PCIC halo prosesu andamentu ba ezame laboratóriu ba DNA hamutuk lima, ezame ba blestíku rua, ezame eskrita manuál rua, ezame téktolojia iha haat, no ezame lokál ba krime haat.

Detein sidadaun estrajeiru rua iha Aeroportu Internasionál

Portavóz PCIC, Octávio da Costa Pereira, informa,  durante serbisu hamutu ho Interpol, konsege kaer sidadaun estrajeiru na’in-rua iha Aeroportu Internasionál Prezidente Nicolau Lobato, Comoro.

“Daudaun ami koloka Interpol iha ita-nia Aeroportu, nune’e bele fasililta serbisu imigrasaun, entaun normalmete imigrasaun maka halo treajen ba pasaporte internasionál hirak ne’ebé maka tama mai iha ita-nia rai,” nia informa.

Bainhira parte imigrasaun identifika iha pasaporte ruma maka mean (iha indísiu krime), sira komunika mai PCIC.

“Ami labele mensiona ema ne’ebé ita detein hosi nasaun ne’ebé, maibé ita manda ba sira-nia Emabaixada hodi haruka fila ba nia-nia rai,” Portavóz PCIC akresenta.

Jornalista : Natalino Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here