Pesoál saúde prepara vasina AstraZeneca atu fó ba abitante iha Sentru Saúde Comoro, segunda (13/09). Imajen TATOLI/António Gonçalves

VIQUEQUE, 15 outubru 2021 (TATOLI)-Diretór Servisu Saúde munisípiu Viqueque, Francisco de Carvalho, informa, estabelesimentu Grupu Suporta Inan (GSI) durante ne’e kontribui maka’as hodi lori susesu vasina iha Viqueque.

“Ha’u haree durante ne’e feto, Grupu Suporta Inan ne’ebé estabelese iha suku 36, apoiu tebes programa vasina iha munisípiu Viqueque, nune’e hosi sira-nia apoiu mak lori susesu vasina,” Francisco de Carvalho, informa ba Agência TATOLI, iha salaun Administrasaun Viqueque, sesta ne’e.

Tuir Diretór servisu munisipál, grupu ne’e konsege lori komunidade sira simu vasina.

“Feto nia papél mós importe hotu. Ha’u hato’o parabéns ba feto Viqueque ne’ebé ohin selebra loron mundiál feto rurál,” nia akresenta.

Iha fatin hanesan, Deputada Bankada FRETILIN, Nelia Soares Menezes, haktuir, momentu ne’e ne’e importante tebes ba feto rurál sira hotu.

“Ita ko’alia kona-ba feto rurál, tenke defini hanesan kestaun rezidénsia de’it, tanba feto sira iha urbana no feto rurál, la signifika ita ko’alia koñesimentu la hanesan. Ha’u hanoin ema hotu iha poténsia no ema ida-idak úniku,” Deputada Bankada Governu me’e enkoraja feto.

 Nune’e nia felisita loron mundiál ne’e “Parabéns ba maluk feto sira hotu, iha ámbitu komemorasaun loron mundiál feto rurál.”

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here