Arsebispu Arkedioseze Metropolitana Dili, Don Virgílio do Carmo da Silva, asina livru vizita, akompaña hosi Komandante Jerál PNTL,Komisáriu Faustino da Costa no Segundu Komandante,Komisáriu, Mateus Fernandes,. Imajen/Natalino Costa.

DILI, 14 outubru 2021 (TATOLI)— Arsebispu Arkedioseze Metropolitana Dili, Don Virgílio do Carmo da Silva, enkoraja Polisia Nasionál Timor-Leste harii unidade iha instituisaun hodi asegura lei no ordem atu fó seguransa ba nasaun.

“Ha’u manifesta nafatin sira (PNTL) nian profisionalizmu liuhosi sira nian serbisu hamutuk no hametin unidade iha institusaun atu sai forsa ida asegura povu no nasaun,” Don Virgílio, hateten ba jornalista sira hafoin vizita Kuartel Jerál PNTL,Caicoli, kinta ne’e.

Atu sai unidade labele mai harii iha institusaun nia laran, maibé unidade tenke mai hosi família uma-laran kada membru PNTL.

Tanba, Don Virgílio esplika unidade la’ós otomatikamente monu hosu lalehan, maibé unidade ne’e presiza haki’ak iha knuuk família-nian.

“Bainhira, ita hakiak ona hosi família nia laran, ita bele mai hakiak unidade ne’e bá iha família boot institusaun PNTL, atubele fó forsa hodi serbisu di’ak  iha ita nia-rain,” Arsebispu ne’e enkoraja.

Don Vrigílio informa, vizita ne’e atu hametin kooperasaun Uma Kreda ho PNTL, atu fó apoiu asisténsia espirituál.

Iha biban hanesan, Komadante Jerál PNTL, Komisáriu Faustino da Costa, hateten, vizita Don Vrigílio atu hametin kooperasaun entre Uma Kreda ho Institusaun PNTL.

“Ita nia Arsebispu husu atu delega Amu Kapelaun ba PNT, tanba asina nota ona ho matebian Don Alberto Ricardo da Silva.  Ami hein Don Virgílio bele autoriza Amu Kapelaun mai iha PNTL,hodi halo misa too iha munisípiu-sira,” Komisáriu ne’e afirma.

 Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here