Komunidade ida iha Suku Madohi simu vasina hosi pesoál saúde sira. Iha loron tersa (05/10). Imajen Tatoli/Francisco Sony

DILI, 15 outubru 2021 (TATOLI)— Sala Situasaun, Sentru Integradu Jestaun Krize (CIGC, sigla Portugés), rejista kazu pozitivu foun na’in-sia, rekuperadu 17 no kazu ativu 103.

“Kazu foun ohin iha sia, Dili na’in-haat, munisípiu seluk lima, ne’ebé kompostu hosi, mane tolu no feto neen,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’bé Agência TATOLI asesu, sesta ne’e.

Hosi totál kazu detetadu foun ohin, ho idade 20:4 (40,4%) na’in-haat, idade entre tinan 12-59 na’in haat (40,4%) no idade 60 na’in ida. Husi kazu detetadu foun ohin, na’in-neen 66,6% sintomátiku.

Kumulativu kazu konfirmadu hahú hosi 21 marsu 2020 to’o 15 outubru 2021 hamutuk 19.703.

Hosi horisehik mai ohin, teste ne’ebé Laboratóriu Nasionál Saúde halo hamutuk 36 PCR, hanesan, vijilánsia sentinela laiha, rastreiu ba kontaktu laiha, rastreiu aleatóriu nain-18, viájen internasionál na’in-16, follow up iha kuarentena na’in-rua.

Totál testes PCR ne’ebé halo horisehik 14 outubru iha munisípiu-sira seluk, Rejiaun Administrativu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) hamutuk 163, hanesan Maubisse hitu, Maliana ualu, Viqueque sia, Suai 17, Baucau 39, Ermera laiha, RAEOA 15, HNGV 50, Lospalos ualu, Vera Cruz laiha.

Totál doze vasina ne’ebé fó ona ba populasaun elijível tinan 18 ba leten, to’o ohin dader 10H00, loron 15 outubru tuir sistema informasaun Saúde iha Ministériu Saúde totál kumulativu 1ª doze iha Dili (79,9%) no totál kumulativu 2ª doze iha Dili (71,2%).

Enkuantu, ema ne’ebé simu ona vasina doze dahuluk iha Timor Leste (66,8%) no simu ona doze daruak (42,7%).

Hosi insidénsia COVID-19 iha Timor-Leste, durante loron hitu ikus maka 0,6/100 mil abitante, enkuantu ba de’it munisípiu Dili 1,1/100 mil abitante.

Iha loron 15 outubru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in ualu, hanesan kazu grave hamutuk na’in-tolu, na’in-ida uza ventiladór, na’in rua uza oksijéniu. Kazu moderadu ema na’in-haat no kaman ema na’in-ida.

Notísia Relevante: COVID-19: pozitivu neen, rekuperadu 26 no kazu ativu 111 

Jornalista: Felicidade Ximenes

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here