Komisáriu Jerál Autoridade Expo Dubai Timor-Leste 2020-2021, Manuel Vong. Imajen Tatoli/Egas Cristovao.

DUBAI, 15 outubru, 2021 (TATOLI)–Autoridade Expo Dubai (AED) 2020, lori liña ministeriál partisipa iha enkontru auto nivel foka ba negósiu no bilaterál nian.  Eventu extraordináriu ne’e sei realiza iha nasaun Uniaun Árabe Unidu, Dubai.

Notísia Relevante:  Expo Dubai 2020: Kafé Timor atrai turista vizita pavillaun Timor-Leste

Koordenadór Jerál Expo Dubai 2020, Manuel Vong, hateten partisipasaun membru ministéiru sira iha eventu mundiál Expo Dubai bazea ba rezolusaun Governu númeru 20/19, 14 jullu, ne’ebé nomea Autoridade Nasionál ba Expo Dubai 2020 ne’ebé Konsellu Ministru aprova iha 06 agostu 2020.

“Ha’u servisu no esforsu tomak hodi organiza liña ministerál atu hola parte iha eventu expo Dubai 2020. Ida-ne’e oferese oportunidade ba nasaun Timor-Leste atu hola parte hodi promove ba asuntu rekursu natureza, investimentu ba área produtivu sira-ne’ebé bele fó lukru ba Timor-Leste,” Manuel Vong hateten ba Agência Tatoli iha ótel Fortuna Park, Dubai, sesta ne’e.

Kordenador ne’e hateten, Timor-Leste hetan oportunidade atu promove rekursu ba nasaun iha mundu tomak ne’ebé partisipa iha Expo Dubai, nune’e ema estranjeiru bele koñese identidade, kultura, nomós produtu sira seluk.

Hosi kada ministériu sei hala’o papel hodi promove rekursu Timor-Leste iha área investimentu no explorasaun. 

Ministeriu Asuntu Ministeriu Negosiu Estrageriu no Kordenasaun (MNEK) sei realiza serbisu koorperasaun entre nasaun vizinu no mõs nasaun Uniaun Árabe Unidu.

Ministeriu Transporte no Kommunikasaun sei realiza selebrasaun asina akordu kona ba Akondu Servisu Atendimentu Area Service Agreement (ASA) ho nasaun Uniaun Árabe Unidu.

Autoridade National Petróle no Minerál mós sei halo aprezentasaun ba mina no gas ho parseriu sira ne’ebé hola parte iha eventu espozisaun iha nasaun Dubai.

Koordenador Jerál, Manuel Vong, hateten Timor-Leste tenke partisipa iha eventu munidiál ida-ne’e hodi promove programa komérsiu no indústria ho membru Komunidade País ho Lian Portugés (CPLP).

Timor-Leste iha kompromisu atu hametin relasaun di’ak ho membru país CPCL ne’ebé marka mós prezensa iha eventu mudiál Dubai ne’e.

Nia informa, Timor-Leste haruka ona nia membru serbisu iha pavillaun hamutuk 14 iha fulan setembru 2021, hodi promove área turizmu, komérsiu, indístria, arte, kultura no seluk tan.

Eventu Exibisaun Mundial ne’e partisipa ona hosi nasaun 192 hodi promove nasaun Timor-Leste nia potensialdade no rekursu umanu ba nasaun seluk.

Iha área expozisaun, Timor-Leste hetan ona espasu atu halo aprezentasaun produtu iha espozisaun ho luan metru 250, ne’ebé oferese gratuitu no apartementu inklui viza ba ema importante Timor-Leste atu partisipa iha eventu ne’e.

Área ba espozisasaun kuaze ektare 438 iha Dubai Exhibition Center no sei partisipa hosi nasaun 192 inklui Timor-Leste.

Antes ne’e, Governu deside aloka orsamentu millaun $2,1 hodi partisipa eventu mundiál refere.

Liña ministerial ne’ebé partisipa iha enkonttuu blaterál ne’e kompostu hosi Ministériu Turizmu, Komérsiu no Indústria (MTKI), Ministériu Negósiu Estranjaieru no Kooperasauun (MNEK), Ministériu Asuntu Ekonomia no Koordenasaun (MEKAE), Ministériu Agrikultura no Peska (MAP), Ministériu Transporte no Telekomunikasaun, Ministériu Petróleu no Minerál (MPM), Autoridade Petróleu no Minerál (AMPM) no TradeInvest.

Jornalista : José Belarmino De Sá

Editór        : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here