Timoroan na’in-tolu ne’ebé lori kuda sanulu tenta atu hakat ba Indonézia no Polísia Nasionál Timor-Leste (PNTL) liuhosi Unidade Patrullamentu Fronteira (UPF) kaptura iha Alto Lebos, postu administrativu, Lolotoe, munisípiu Bobonaro, kinta (14/07/21). Imajen Tatoli/Sérgio da Cruz.

DILI, 14 outubru 2021 (TATOLI)— Polísia Nasionál Timor-Leste (PNTL) liuhosi Unidade Patrulamentu Fronteira (UPF) detein ema na’in-neen (6) ne’ebé halo atividade negósiu ilegál fronteira terrestre.

“Iha semana ne’e, Ita ka’er ema na’in-neen ne’ebé gosta halo atividade negósiu ilegál iha fronteira Terrestre,” Komadante Jerál Polísia Nasionál Timor-Leste (PNTL), Komisáriu Faustino da Costa, informa, iha Palasiu Prezidente, Bairru-Pité, Kinta ne’e.

Asaun kapturasaun ne’e mós nu’udar parte ida hodi Evita tranzmisaun COVID-19 tanba nasaun viziñu hanesan Indonézia kontinua ezsite propogasaun surtu ne’e.

Prezidente Repúblika dekreta Estadu Emerjénsia hodi prevene kalamidade surtu COVID-19 iha Timor-Leste, nune’e UPF mós simu orientasaun hosi komandu hodi garante seguransa ba implementasaun Estadu Emerjénsia (EE).

Nune’e, Komunidade sira ne’ebé UPF kaptura entrega kedas ba ekipa saúde COVID-19 halo teste nian saúde no submete ba kuaretena hodi evita kontájia pandemia globál ne’e.

“Ema hirak ne’ebé UPF detein submete ona ba kuaretena, hafoin ita kontinua fali prosesa tuir lei,” nia aksenta.

Notisia relevante: PNTL detein timor-oan tolu tenta hakat ilegál fronteira

Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here