Xefe suku Bahalara-uain, Jaques Pinto. Imajen TATOLI/Vitorino Lopes da Costa

VIQUEQUE, 14 outubru 2021 (TATOLI)—Xefe suku Bahalara-uain, postu administrativu Viqueque villa, munisípiu Viqueuqe, Jaques Pinto, relata progresu kontrusaun Uma kbiit Laek (UKL) iha aldeia Ai-dak daudaun atinje ona 70%.

“Ohin loron ami-nia konstrusaun uma ninia progresu serbisu, bele dehan uma tolu atinje ona 70% no ami-nia konstrusaun laiha problema ruma,” Líder komunitáriu ne’e informa ba Agência TATOLI, suku Bahalara-uain, kinta ne’e.

Konstrusaun UKL lakleur tan monta ona kuda-kuda uma-nian no kakuluk sira.

“Daudaun ita-nia badaen sira kontinua halo kontrusaun, fulan-ida ne’e ramata taka ona kalen,” nia akresenta.

Biban ne’e, nia agradese ba programa Governu ne’ebé kria uma ba kbiit laek sira ho dignu tebes.

“Ha’u husu agradese ba Governu ne’ebé halo uma ba maluk sira ne’ebé kbiit laek sira. Programa ne’e ami sente di’ak tebes, tanba ne’e husu Governu nafatin alkansa program ida-ne’e,” nia dehan.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here