Portavóz traballadór iha Portu Tibar, Nicodino da Cruz. Imajen/Egas Cristovão.

DILI, 13 outubru 2021 (TATOLI) – Traballadór sira hosi Portu Tibar ho Ajénsia 2WJ iha ona entendimentu ida bainhira Inspesaun Jerál Traballu (IJT) halo mediasaun ba asaun greve n´ebé halo hosi traballadór sira tanba defende no solidariza malu bainhira ajénsia hapara sira nia kontratu no la aplika indeminizasaun.

“Greve hahú husi dadersan 7h00 iha Portu Tibar, no Inspesaun Jerál Traballu husi Ministériu Koordenadór ba Assuntu Ekonómiku to´o iha fatin ne´e, maizmenus tuku 10 resin, hamutuk ho representante empreza China Harbour, ajénsia 2WJ, Porta-voz nain rua husi trabalhadór Portu Tibar no mós reprezentante balun mai halo mediasaun ba pontu ezijensia no iha ona solusaun,” dehan Portavoz Traballadór Portu Tibar, Nicodino da Cruz ba Agénsia TATOLI via WhatsApp, kuarta ne’e.

Porta-voz konta katak hosi rezultadu mediasaun, parte rua simu malu ona maibé ajénsia sei assume nia responsabilidade atu atribui sertifikadu ho logotipu hosi empresa CECH no ajénsia mós sei aumenta númeru NISS traballadór sira nian.

Traballador Portu Tibar greve hodi husu direitu ba idemnizasaun.Imajen Tatoli/Egas Cristóvão

Nicodino haktuir katak prezensa hosi IJT halo esklaresimentu kona-ba direitu ba indeminizasaun ne´ebé deskreve iha Dekretu Lei númeru 4/2012, artigu 55 ne´ebé konjuga ho artigu sira seluk hafoin IJT halo esplikasaun, traballadór sira entende no fila serbisu hanesan baibain.

Traballadór sira hosi Portu Tibar hamutuk 400-resin halo greve hasoru Ajénsia 2WJ tanba hakotu ona traballadór sira nia kontratu maibé la aplika indeminizasaun.

Notísia relevante: Traballadór Portu Tibar na’in 400-resin halo greve hasoru Ajénsia 2WJ

Jornalista: Hortencio Sanchez

Editór : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here