iklan

SAÚDE

SMN halo tratamentu matan ba dadur na’in-515

SMN halo tratamentu matan ba dadur na’in-515

Médiku Sentru Matan Nasionál halo tratamentu matan ba dadur na’in 515. Imajen/ Felicidade Ximenes.

DILI, 14 outubru 2021 (TATOLI)— Sentru Matan Nasionál (SMN), iha Hospital Nasional Guido Valadares (HNGV), realiza konsulta jerál ba dadur iha prizaun Becora na’in-515, hodi selebra loron mundial saúde matan ho tema “hadomi o nia matan”.

“Ami fó tratamentu matan ba dadur hamutuk 515 no prepara mós ókulu hodi oferese ba ita nia maluk prizioneiru sira,” Xefe Departamentu Sentru Matan Nasionál, HNGV, Belmerio Jeronimo, hateten, ba jornalista sira iha prizaun Becora, kinta ne’e.

Notísia relevante: SNM hahú halo tratamentu matan ba pasiente sira

Hosi totál dadur na’in-515, médiku deteta nain-361 laiha problema matan no na’in-42 maka rekoemnda ba halo tratamentu iha HNGV  tanba  sofre moras katarak atarat no problema.

Enkuantu, SMN mós konsege fahe ókulu ho gratuitu ba dadur na’in-272

Iha biban hanesan, Diretór Estabelesimentu Prizionál Becora, João Domingos, agradese ba médiku Sentru Matan Nasionál fó konsulta jerál ba Guarda Prizioneiru no dadur sira.

‘’Tratamentu atu halo checkup ba dadur sira nia matan no bainhira deteta moras ruma bele rekomendasaun halo tratamentu iha HNGV,’’ nia agradese.

Tuir anáze Departamentu Moras La Hada’et ne’ebé pretense hosi Ministériu Saúde katak Timor-Leste iha estimasaun kuaze populasaun rihun 157 mak iha problema matan no rihun 36 mak defisiénte matan ne’ebé 93% be;e halo kurativu no 7% labele kura.

Nune’e, Polítika Ministériu Saúde iha tinan 2021 to’o 2050, halo ona promosaun no prevensaun saúde ba komunidade sira no mós distribui vitamina A ne’ebé proteje matan tenke másimu, liuliu ba labarik-sira nia matan atu bele stadium ne’ebé mak forte no di’ak inklui kontinua asegura imunizasaun.

Notísia relevante: Populasaun TL rihun 157 iha problema matan

Jornalista: Felicidade Ximenes

Editór: Florencio Miranda Ximenes

iklan
iklan

Leave a Reply

iklan
error: Content is protected !!