Komandante Jerál PNTL, Komisáriu, Faustino da Costa. Imajen Tatoli/Francisco Sony

DILI, 13 outubru  2021 (TATOLI)– Komandu Polisia Nasionál Timor-Leste (PNTL) ezekuta ona Orsamentu Jerál  2021 hahú hosi janeiru to’o outubru ne’e atinje ona 72,9%.

“Ezekusaun OJE 2021,  PNTL atinje ona 72,9%,” Komadante Jerál Polisia Nasionál Timor-Leste (PNTL), Komisariu Faustino da Costa, informa ba jornalista sira iha Bairru Pite, kuarta ne’e.

OJE 2021 ba PNTL ho orijen $34,892,529.00, kompromisu sira $418,149.03, obrigasaun sira $2,303,621.09, atuál $23,129,117.44 no saldu $9,041,641.44.

Orsamentu hirak ne’e aloka ba kategoria saláriu no vesimentu, bens no servisu no kapaital menór.

Iha kategória saláriu no vensimentu ne’e aloka liu ba alimentasaun ba membru sira no manutensaun reparasaun kombustivél.

“Ami mós iha milliaun $1 ne’ebé prevee iha kapital menór hodi sosa motorizada 50 ba membru sira inklui karreta 25 ne’ebé fahe ona ba membru sira hodi halo serbisu,” nia afirma.

Notísia relevante:  Ezekusaun OJE 2021 foin atinje 50%

Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here