Fundasaun CODIVA disemina SOGIESC ba parseiru rede referál sira iha RAEOA. Imajen Agência TATOLI/Abílio Elo Nini.

OÉ-CUSSE, 14 outubru 2021 (TATOLI)—  Fundasaun Coalition for diversity and action (CODIVA), halo diseminasaun informasaun kona-ba orientasaun seksuál, identidade jéneru, espresaun karaterístiku seksu (SOGIESC, sigla inglés) ba parseiru rede referál sira iha Rejiaun Administrativa Espesiál Oé-Cusse Ambeno (RAEOA).  

Fundasaun Coalition for Diversity and Action (CODIVA) ka Fundasaun Hamutuk iha Diversidade ba Asaun, kinta ne’e disemina informasaun kona-ba SOGIESC ne’e ba parseiru rede referál sira iha RAEOA, ne’ebé foka ba komunidade Lesbian, Gay, Be sex, Transjender (LGBT,sigla ingles).

Koordenadór Fundasaun CODIVA, Pepy Malay, esplika, atividade ne’e realiza hetan apoia hosi embaxada Estadu Unida Amérika (EUA) ho objetivu atu hamenus stigma, diskriminasaun no violénsia hasoru komunidade LGBTI.

“Ami fahe informasaun ba parseiru serbisu sira iha 13 munisípiu, presiza fahe ba rede referál sira, tanba bainbain sira halo asisténsia sosiál, hanesan FOKUPERS, Alfela, PRADET, PDHJ, tanba sira mak atende kazu, entaun ita fasilita informasaun ne’e, nune’e bainhira halo atendimentu ruma labele aplika diskriminasaun, entaun ami-nia obrigasaun presiza habelAr ba rede referál sira,” Pepe Malay informa Agência TATOLI, iha salaun Solidariedade Sosiál no Inkluzaun, Santa Rosa, Oé-Cusse.

Purtantu, Responsavél Programa SOGIESC, Ricela, esplika, programa espesiál hosi fundasaun COVIDA, presiza hato’o ba parseriu servisu sira, tanba SOGIESC nu’udar matadalan ba komunidade LGBTI.

Objetivu hosi formasaun ne’e, atu enkoraja parseiru servisu sira atu labele halo diskriminasaun, maski mai hosi familia rasik.

“Ita enkoraja sira hotu tanba parseiru sira-ne’e sai hanesan liman-ain ba komunidade LGBTI sira. Karik sira hetan problema violénsia ruma, ba hato’o ba parseiru sira, bele tulun no refere ema sira-ne’e liuhosi dalan legál, nune’e bele hetan justisa ho loloos,” Ricela fundamenta.

Entretantu, partisipa iha diseminasaun ne’e mai hosi parseriu sira mak hanesan Asisténsia Legál ba Feto no Labarik (ALFELA), Psychosocial Recovery And Development in East Timor (PRADET), Provedodria Direitu Humanu no Justisa (PDHJ).

Nune’e mós Human Immunodeficiency Virus and Acquired Immunodeficiency Syndrome (HIV AIDS) hosi serbisu saúde rejionál, Departamentu Solidariedade Sosiál no Inkluzaun (DSSI), Sekretaria Estadu Formasaun Profisionál no Empregu (SEFOPE) no Sentru Juventude Rejiaun Oé-Cusse (CJRO).

Jornalista: Abílio Elo Nini
Editór: Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here