Diretór Jerál SEFOPE, Paulo Alves. Imajen TATOLI/Francisco Sony

DILI, 13 outubru 2021 (TATOLI)-Diretór Jerál hosi Sektetaria Estadu  Formasaun Profisionál no Empregu (SEFOPE), Paul Alves, hateten, pandemia afeta oportunidade serbisu traballadór  timor-oan bá Japaun, maski parte rua iha ona kompromisu atu iha kontinuidade kooperasaun.

“Governu Japaun oferese serbisu iha área 14 ba ita atu haruka traballadór sira ba serbisu, maibé SEFOPE analiza no hili área hanesan fábrika, agrikultura, peska no seluk tan. Ita hasoru malu ona ho Governu Japaun no Emabaixadór iha Timor-Leste, hodi hato’o ita nia área prioridade maibé tanba COVID-19, tinan-rua ona seidauk iha Komunikasaun,” Diretór Jerál hateten ba Agência TATOLI, foin lalais ne’e, iha ninia knaar fatin, Caicoli.

Notísia relevante: Akordu Traballadór Timor-oan ba Serbisu iha Japaun Hein Formaliza Husi Governu Japaun

Nune’e, daudaun hein polítika Governu hodi halo aproximasaun ho Governu Japaun no haree posibilidade ruma hodi kontinua filafali komunikasaun ne’ebé antes ne’e halo ona.

“Ita iha kontaktu inisiál, hein Japaun bele aprova tanba Governu Timor-Leste sai hanesan país ne’ebé bele haruka nia traballadór ba serbisu iha Japaun, maibé kritéria mak todan tanba ema ba serbisu iha ne’ebá tenke iha sertifikadu nível kuatru lian Japaun,” nia akresenta.

Tuir Diretór Jerál, Governu Japaun husu SEFOPE halo estudu komparativu ho Indonézia tanba nasaun ne’e tinan barak ona haruka traballadór ba serbisu iha Japaun desde tinan 1993, tanba ne’e liuhosi estudu mak bele garante preparasaun traballadór ho kualidade.

Iha parte seluk, Embaixadór Timor-Leste iha Japaun, Ilídio Ximenes da Costa, hateten, Governu Japaun prontu ona atu kontinua kooperasaun entre país rua, nune’e bele haruka traballadór sira ba serbisu.

“Embaixadór Timor-Leste iha Japaun konfirma ona Governu Japaun, sira prontu ona atu simu ita-nia traballadór maibé tenke iha konkordánsia,” nia hateten.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here