Ilustrasaun repozitóriu dijitál. Imajen/Espesiál

DILI, 13 outubru 2021 (TATOLI)–Prezidente Konsellu Ezekutivu Institutu Nasionál Siénsia Téknolojia (INCT), José Cornelio Guterres, hateten, nasaun tolu hanesan Portugal, Kanadá, no Olanda sei apoiu Timor-Leste atu halo estudu molok kria repozitóriu dijitál.

“Ita halo ona lansamentu estudu viabilidade atu kria repozitóriu dijitál iha ita-nia nasaun, maibé ita sei kria uluk enkontru tékniku ida iha loron 18 outubru agora, tanba hosi rezultadu enkontru maka sei avansa ho estudu,” Prezidente INCT, José Cornelio, hateten ba Agência TATOLI, iha ninia knaar fatin, Matadouro, dadaun ne’e.

Notísia relevante: Timor-Leste no parseiru introdús servisu investigasaun sientífiku inovativu

Tuir José Cornelio, estudu sei realiza hosi espertu na’in-haat hanesan Paula Morais hosi Portugál, Von Deker hosi Olanda, Amitabha hosi Canada no Deonísio Babo hosi Timor-Leste

Estudu ne’ebé halo sei foka liu ba área informátika, tanba presiza hasoru operadór telekomunikasaun sira iha Timor-Leste inklui parte Ajénsia Tecnologia da Informação e Comunicação (TIC) TIMOR,  nune’e bainhira kria repozitóriu dijitál bazeia ba estudu ne’ebé iha.

Iha sorin seluk, Diretora Jerál Ministériu Ensinu Superiór, Siénsia no Kultura, Maria Filomena Lay, konsidera repozitóriu dijitál importante ba joven, investigadór no komunidade akadémika siénstifika sira, tanba aparelu ne’e sei sai fatin ida atu halo konsultasaun ne’ebé importante tebes iha nasaun ida.

“Ita hotu hatene, Timor-Leste hanesan nasaun foun ida hodi buka atu tau nia-an iha sistema ida foun hanesan kriasaun repozitóriu dijitál, nune’e inisiativa ne’e ho intensaun atu tulun utilizadór sira hala’o serbisu,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here