Ministru Edukasaun Joventude no Desportu (MEJD), Armindo Maia. Imajen TATOLI/Francisco Sony

DILI, 13 outubru 2021 (TATOLI)–Ministru Edukasaun, Juventude no Desportu (MEJD), Armindo Maia, husu ba eskola privada sira hodi bele fó toleránsia ba estudante ne’ebé seidauk halo pagamentu propina eskola, nune’e bele kontinua tuir ezame.

“Desizaun eskola privadu sira nian, Ministériu Edukasaun sei la halo intervensaun. Ami husu de’it ba sira atu fó toleránsia no flesibilidade ba estudante ne’ebé seidauk halo pagametu ba propina bele kontinua tuir ezame,” Ministru Armindo hateten iha Palásiu Governu, kuarta ne’e.

Notísia relevante: Eskola privada rua fó toleránsia propina ba estudante

Governante ne’e konsidera, labarik sira mak sai ai-rin ba nasaun iha futuru, tanba ne’e hanesan ema edukativa tenki iha mós flesibilidade ba estudante sira atu nune’e labarik sira bele hetan nafatin edukasaun hodi prepara-an ba futuru.

“Agora eskola kuandu laiha flesibilidade, estudante ne’ebé la selu propina eskola nian la tuir ezame, hanesan komunidade edukativa, ne’e hanesan preokupasun ida. Labele empata fali labarik sira nia estudu tanba de’it inan-aman sira seidauk selu propina eskola.

Hahú janeiru 2021, MEJD suspende temporáriu aula prezensiál no inskrisaun ba estudante eskola públiku no privadu, relasiona ho implementasaun konfinamentu domisliáriu no serka sanitária iha Dili, maibé eskola privada no públika aplika propina normál ba estudante sira.

Daudaun ne’e eskola privada no públiku hamutuk 188 mak hetan ona akreditasaun hosi MEJD.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here