OÉ-CUSSE, 13 outubru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kuarta ne’e rejista kazu ativu na’in-tolu (3) no rekupera ona hosi sala izolamentu hamutuk 333.

“Kazu pozitivu hahú menus, hanesan ohin Sentru Informasaun COVID-19 iha RAEOA, rejista kazu ativu hamutuk tolu (3), daudaun ne’e sira baixa hela iha sala izolamentu, Kliníka Kurasaun na’in-ida (1), no iha izolamentu Kitahara Mahata hamutuk na’in-ida (1), no auto-izolamentu ida (1) no rekupera ona hosi izolamentu hamutuk 332,” Sekretáriu Rejionál ba Asuntu Saúde, Manuel da Costa, informa ba Agência TATOLI iha Sikluli, Oé-Cusse, kuarta ne’e

Daudaun ne’e pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 28, uma Dra.Catarina Anunu (1), kuarentena Eskola ETARO Masin 21, auto-izolamentu Fulolo rua (2) auto-kuarentena rezidénsia Mateus Sufa na’in-ida (1), auto-kuarentena Veronica Oématan na’in-ida (1), auto-kuarentena Palaban na’in-ida (1), auto-kuarentena Ótel Lifau ida (1).

Tuir dadus hosi 23 marsu 2020 to’o 13 outubru 2021, totál dadus komulativu kazu konfirmadu hamutuk 339, hasai teste-swab 518, númeru RDT swab 232, komulativu teste-swab 3.841, komulativu rezultadu negativu 3.574.

Nune’e mós dadus pasajeiru ne’ebé kumpre kuarentena obrigatóriu 1.786, auto-kuarentena 312, totál 2.092 no pasa ona loron-14 hamutuk 2052 no rejista óbitu tolu.

Jornalista         : Abílio Elo Nini
Editór               : Evaristo Soares Martins

HAKEREK NO HATÁN

Please enter your comment!
Please enter your name here