Atividade sertame iha suku Bahalara Uain, tersa (13/10). Imajen TATOLI/Vitorino Lopes da Costa

VIQUEQUE, 12 outubru 2021 (TATOLI)-Relasiona ho komemorasaun loron mundiál redusaun risku dezastre ne’ebé kada tinan monu iha loron 13 outubru, Servisu Edukasaun munisipál realiza atividade sertame ba sekundáriu haat iha Viqueque.

“Ohin, ita fó sertame ba estudante sira hosi eskola sekundáriu haat iha munisípiu Viqueque maka partisipa, hodi komemora loron mundiál redusaun risku dezastre,” Responsável sertame no atuál Diretór Servisu Edukasaun Viqueque, Emidio Amaral, informa ba Agência TATOLI, iha suku Bahalara Uain, tersa ne’e.

Atividade ne’e partisipa hosi Eskola Sekundariu Katóliku Santo Estevão ne’ebé hetan valór a’as 600 no okupa primeiru lugár, Liceu segundu lugar ho valór 500, Eskola Sekundáriu Calixa terseiru lugar ho valór 400 no Eskola Tékniku Vokasionál kuartu lugar ho valór 300.

Tasa ba primeiru lugar ho montante osan $100, segundu lugar $80, terseru lugar $70 no kuartu $60.

Seremónia ne’e hetan partisipasaun hosi Protesaun Sivil, Komadante Polísia Nasionál Timor-Leste (PNTL), liña ministeriál, estudante no komunidade hosi suku Bahalara Uain.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here