Vise-Ministru, MAE, Lino de Jesus Torrezão, hala’o fiskalizasaun ba progresu konstrusaun Uma Kbiit Laek (UKL), iha Munisípiu Viqueque, no haree katak, atinjimentu to’o ona 52%, kinta (24/09/21). Imajen Tatoli/ Vitorino Lopes da Costa.

VIQUEQUE, 12 outubru 2021 (TATOLI)–Xefe suku Waimori, postu administrativu Viqueque villa, munisípiu Viqueque, Francelino Antonio Gomes, hateten, progresu kontrusaun Uma Kbiit Laek (UKL) tolu iha aldeia Lu-loi atinje 50%.

“Foin lalais konstrusaun paradu tiha no agora foin hahú fali konstrusaun,” líder komunitáriu ne’e informa ba Agência TATOLI, iha suku Waimori, tersa ne’e.

Foin lalais paradu iha fulan-agostu tanba kompañia lokál Tula Eli, ne’ebé hanesan fornesedór rezigna-an no halo konktrusaun UKL paradu maibé agora la’o fali ona.

“Kompañia razaun dehan matéria konstrusaun presu karun, ho ida-ne’e sira lakoi fornese materiál, tanba ne’e suku maka ba direta sosa materiál,” nia akresenta.

Maski nune’e, ekipa iha suku nafatin esforsu hodi finaliza konstrusaun UKL ne’ebé iha suku Waimori.

Tuir rezultadu fiskalizasaun ba progresu konstrusaun UKL iha Postu administrativu sira iha Viqueque, Viqueque Villa iha UKL 30 atinje 52%, Ossu iha 30 atinje 3%, Uatulari iha 18 atinje 0.5%, Lacluta iha 12 atinje 20% no Uatucarbau iha 18 atinje 37%.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here