Responsável Postu Saúde Ossouala, Joao Calistro. Imajen Agência TATOLI/Natalino Belo.

BAUCAU, 12 outubru 2021 (TATOLI) – Postu saúde Ossouala, postu administrativu Vemasse, munisípiu Baucau, rejista moras tolu aasliu iha postu saúde refere.Responsável médiku suku, João Calestro esplika, komunidade aldeia Heine-uai mak asesu besik iha postu saúde refere enkuantu aldeia sira seluk distánsia dook nune’e difikulta komunidade atu asesu ba asisténsia médika.

“Postu saúde ne’e rejista kazu aasliu mak Infesaun Respiratóriu Aguda (IRA), tuir mak prolapsu moras feto nian kuaze idade idozu no ipertensaun aguda,” João informa ba Agéncia TATOLI iha ninia-knar fatin, suku Ossouala, tersa ne’e.

Hosi moris tolu refere, postu saúde rejista moras ipertensaun aguda ema na’in-45, prolapsu moras feto pasiente na’in-25 no IRA rasik kauze fulan-ida rejista na’in-15 ba leten.

Pesóal saúde ne’ebé destakadu iha postu saúde Ossouala hamutuk na’in-lima kompostu asisténsia médiku nain-ida, médiku jerál nain-ida no doutór nain-rua no na’in-rua seluk estajiadu.

João akresenta, difikuldade ne’ebé hasoru mak kombustível ba transporte atu halo atendimentu móvel ba komunidade ne’ebé hela dook hosi postu saúde.

Seluk, elektrisidade tanba bainhira atu fó partu ba inan isin-rua inklui ekipamentu hanesan partu, bainhira bebé foin moris dada-ís ladi’ak entaun tenke salva tanba kondisaun obriga.

Hanesan responsável ba postu hato’o ona pedidu rekursu tantu ekipamentu no rekursu umanu ba diresaun servisu munisipál maibé to’o agora seidauk iha resposta.

Jornalista         : Natalino Belo

Editór               : Evaristo  Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here