Reitór UNTL, João Soares Martins, troka nota entedimentu kooperasaun serbisu ho Reprezentante OMS iha Timor-Leste, Arvind Mathur, iha salaun enkontru UNTL, tersa (12/10). Imajen TATOLI/Francisco Sony

DILI, 12 outubru 2021 (TATOLI)–Organizasaun Saúde Mundiál (OMS) ofisialmente asina memorandu entedimetu ho Universidade Nasionál Timor-Lorosa’e (UNTL) hodi kontinua apoiu atu alkansa programa iha área ensinu no peskiza.

”Ita foin hamutuk asina nota entendimentu nu’udar seremónia ofisiál ida atu garante apoiu sira ne’ebé ita simu hosi OMS hanesan komputadór, livru ba biblioteka, formasaun, apoiu peskiza no revizaun ba kuríkulu,” Reitór UNTL, João Soares Martins, informa iha sala reuniaun UNTL, tersa ne’e.

Aleinde ne’e, apoiu boot ne’ebé OMS fó ona ba UNTL maka peskiza hosi tinan 2014 to’o 2015, ne’ebé dadus ne’e Ministériu Saúde utiliza fali ba planu.

Enkuantu, Reprezentante OMS iha Timor-Leste, Arvind Mathur, deklara, ida-ne’e hanesan faze dahuluk akordu hosi parte rua fó kontinuidade ba serbisu ne’ebé la’o ona.

OMS durante ne’e fó asisténsia téknika inklui finansa atu garante kualidade edukasaun iha UNTL, liuliu ba área medisina hodi bele la’o ho di’ak.

Akordu ne’e sei válidu durante tinan-lima, ne’ebé iha tinan ne’e nia laran OMS garante sei iha apoiu barak liután.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here