Portavos Komandu Jeral PNTL, Superintendente Xefe, Arnaldo Araújo. Imajen Tatoli/Francisco Sony.

DILI, 12 outubru 2021 (TATOLI)— Polisia Nasionál Timor-Leste (PNTL)  planeia estabelese klínika movél hodi fó tratamentu saúde ba membru-sira iha novembru tinan ne’e.

“Fulan novembru, PNTL sei halo klínika movél iha munisípiu 12  halo checkup ba  membru sira ne’ebé moras no haruka ba ospitál halo tratamentu,” Xefe Gabinete Relasaun Públika no Portavóz PNTL, Superintendente Xefe  Arnaldo de Araújo, relata ba joralista sira iha Komandu Jerál PNTL Caicoli, tersa ne’e.

PNTL sei koopera ho Ministériu Saúde atu apoia medikamentu ba klínika movél atu fó asisténsia ba membru-sira.

Daudaun, PNTL mós iha ona klínika iha Komandu Jerál PNTL, Caicoli, ne’ebé fó ona tratamentu saúde ba membru polisia.

Falta membru 220 seidauk simu vasina  

Portavóz  PNTL ne’e, informa, membru PNTL hamutuk 4.096, maibé falta membru hamutuk 220 mak seidauk simu vasina.

“Razaun membru hirak  ne’e seidauk simu vasina  tanba balun moras tensaun, balun isin rua  no  balun sei fó susu hela nia-oan  inklui balun mós  iha moras komplikadu,” nia akresenta.

Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here