Dadus kobertura programa vasinasaun iha munisípiu Baucau. Imajen espesiál.

BAUCAU, 12 outubru 2021 (TATOLI) – Komunidade munisípiu Baucau hamutuk 24.961 seidauk simu programa vasinasaun.

Hosi númeru refere, Munisípiu Baucau lokaliza sentru vasinasaun AstraZeneca hamutuk hitu kompostu hosi Sentru saúde Uailili, komunidade ne’ebé seidauk vasina hamutuk 4.115, sentru saúde Baguia 4.097, sentru saúde Bucoli 166, sentru saúde Laga 4.790, Quelicai 4.401, Vemasse 481, Venilale 3.541, Ria-mare 4.192, Ossoqueli 184 no Ospital Rejional Eduardo Ximenes (HorEX, sigla Portugés) 1.051.

Komunidade ne’ebé vasina ona iha Uailili vasina hamutuk 8.195, sentru saúde Baguia 6.009, sentru saúde Bucoli 4.321, sentru saúde Laga 9.639, Quelicai 8.786, Vemasse 4.510, Venilale 9.755, Ria-mare 18.842, Ossoqueli 3.474 no Horex 1.759 total 75.290.

Tuir dadus hosi Admistrasaun Munisípiu Baucau ne’ebé Agéncia TATOLI asesu katak, totál alvu ne’ebé iha Baucau hamutuk 73.317, komunidade ne’ebé vasina ona doze dahuluk hamutuk ema 48.401 (%66) no doze daruak hamutuk 26.889 (%37).

Entertantu, daudaun iha membru governu na’in-haat kompostu hosi Ministru Turizmu Komérsiu no Indústria (MTKI), José Lucas do Carmo da Silva, Ministru Petróleu no Minerál (MPM), Víctor da Conceição Soares, Vise-ministru Obra Públika (MOP), Nicolau Lino Freitas Belo no Vise-ministru Admistrasaun Estatal (MAE), Lino de Jesus Torrezão, hamutuk ho ekipa munispál hala’o kampaña vasinasaun faze daruak ne’ebé tuir alvu sei finaliza iha fulan-outubru.

Jornalista  : Natalino Belo

Editór        : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here