DNPKK hamutuk parseiru UN Women halo sensibilizasaun matadalan mediasaun sensivel ba jéneru ba Universiáriu, segunda (11/10). Imajen Tatoli/Egas Cristovão.

DILI, 11 outubru  2021 (TATOLI)— Sekretária Estadu Protesaun Sivíl (SEPS), liuhosi Diresaun Nasionál Prevensaun Konflitu Komunitáriu (DNPKK) kontinua esforsu  sensibiliza prevensaun konflitu hodi rekonsilia joven sira iha área risku ba konflitu.

“Ami indentifika munisípiu tolu maka área risku ba  konflitu hanesan  Dili no tuir kedan munisípiu sira iha área fronteira liuliu Maliana no Suai,” Diretór Diresaun Nasionál Prevensaun Konflitu Komuniária, António Viegas, hateten iha ótel Luz Clarita-Dili, segunda ne’e.

DNPKK indentifika bairru risku konflitu iha Dili hanesan Comoro, Becora, Culuhun no Bebonuk tanba kauza arte marsiál.

Nune’e, DNPKK kontinua esforsu halo aprosimasaun no sensibilizasaun prevensaun konflitu atubele konsesializa joven-sira kria pás no estabilidade.

“Ami kontinua aprosima joven-sira iha área risku sira atu halo rekonsiliasaun atubele hamutuk kria pás no estabilidade hodi kontribui ba prosesu dezenvolvimentuiha país ne’e,” António Viegas afirma.

Tuir dadus, hahú hosi janeiru to’o agostu tinan ne’e, DNPKK rejista kazu foun hamutuk 295 hosi territóriu no kazu ne’ebé prosesa hela hosi 2020 to’o 2021 iha 134 ho arkivu ka rezolvidu liuhosi prosesu mediasaun hamutuk 196, ne’ebé ho autór no vitíma iha mane 452  no feto 132.

Kazu sira-ne’e, mediadór-sira simu hosi komunidade hodi fasilita de’it mediasaun to’o parte simu malu, hodi komprometidu sei la kria tan konflitu no pronto kontribui ba estabilidade iha sosiedade.

Jornalista: Natalino Costa

Editór : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here