Reprezentante , Alberto dos Reis Freitas, entrega laptop ba Administradór munisípiu Viqueque, Januário Soares 'Boly', iha Raitahu, tersa (12/10). Imajen TATOLI/Vitorino Lopes da Costa

VIQUEQUE, 12 Outubru (TATOLI)-Catholic Relief Services (CRS) apoiu leptop ho marka HP ba Administrasaun munisípiu Viqueque hodi fasilita servisu komisaun jestaun dezastre munisipál rekolla dadus dezastre.

“Ohin, ami fó apoiu leptop ba munisípiu Viqueque hodi uza rekolla dadus dezastre, tanba ne’e ami fó leptop ne’e sai hanesan biblioteka kiik ida iha munisípiu ne’e,” Reprezentante CRS, Alberto dos Reis Freitas, hateten ba Agência TATOLI, iha Raitahu, Viqueque villa, tersa ne’e.

Ekipamentu ne’e sei uza rekolla dadus vítima dezastre, nune’e bele fasilita bainhira ajénsia ruma hakarak husu dadus hosi munisípiu.

Iha fatin hanesan, Administradór munisípiu Viqueque, Januário Soares ‘Boly’, agradese ba CRS ne’ebé tulun ona ekipamentu balun hodi fasilita serbisu komisaun jestaun dezastre.

“Agradese ba apoiu ne’ebé fó ba ami hodi bele uza hala’o servisu, tanba durante ne’e leptop atu uza ba serbisu limitadu tebes, maibé liuhosi apoiu ne’e bele tulun ami-nia serbisu rekolla dadus dezastre naturál,” nia akresenta.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here