Abitante iha mota-ibun Ponte Comoro III kona impaktu inundasaun iha domingu (04/04). Imajen TATOLI/António Gonçalves

COVALIMA, 12 outubru 2021 (TATLI)—Diretòr Servisu Munisípal Protesaun Sivil no Dezastre Naturál, Quintino da Costa, informa iha 13 outubru ne’e nu’udar loron mundiál Redusaun Risku Dezastre Naturál maibé munisípiu Covalima sei selebra iha semana oin ho programa hamoos baleta no kuda ai-oan iha postu administrativu Maucatar.

Diretòr ne’e hateten, programa kuda ai-oan ne’e atu halo prevensaun no fó hanoin ba inan-aman sira hodi hamenus risku rai, no fó hanoin ba komunidade atu hamoos rasik bee ne’ebé nalihun iha baleta no nakonu ho lixu.

“Implementasaun programa rua ne’e bazea ba rezultadu enkontru no tuir planu sei selebra iha semana oin. Ami sei kontinua diskute ho parseiru no pontu fokál dezastre naturál nian hodi haree finanseira, nune’e bele realiza atividade ne’e,” Quintino da Costa informa ba Agência Tatoli, iha  nia kna’ar fatin, Suai Loro, Covalima, tersa ne’e. 

Atu selebra loron refere presiza osan entaun sei halo kooperasaun ho parseiru sira iha área dezastre naturál ne’e, seiduak deside atu aloka fundu hodi selebra loron importante ne’e.

“Ita hotu hatene dirasaun ida-ne’e foin estabelese, nune’e seidauk iha fundu ne’ebé alokadu hodi koloka ba atividade hirak ne’e,” nia dehan.

Maske Governu deside selebra loron mundiál Redusaun Risku Dezastre Naturál iha munisípiu Viqueque, maibé munisípiu Covalima mòs iha hanoin atu selebra loron refere. 

Atividade ne’e, sei hetan apoiu hosi parseiru sira hanesan Crus Vermelha de Timor-Leste (CVTL), Centro Comunidade Covalima (CCC), Mercy Corps no seluk tán ne’ebé servisu ba área dezastre naturál ho sira-nia apoiu belè selebra ho atividade ne’ebé simples.

Xefe Departamentu Reprezentasaun Territoriál Floresta no Planta Indústria Covalima, Francisco Sarmento hateten ho selebrasaun loron Mundial Redusaun Dezastre Maturál ne’e, hosi Dirasaun Floresta sei kuda ai-oan 2.000 iha postu administrativu Maucatar.

“Ami atu kuda ai-oan mak hanesan ai-samtuku no ai-kakeu ne’ebé ita foti iha postu administrativu Suai Vila, lori ba kuda iha Maucatar,” nia dehan.

Aio-an sira-ne’e kuda iha postu Maucatar tanba floresta Covalima antes ne’e identifika ona fatin ne’e iha fulan abril liubá. Iha fatin ne’e, rai-monu fó risku ba madre sira-ne’ebé hela iha ne’ebá entaun parte floresta hakarak kuda ai-an hodi bele proteje fatin ne’e bainhira udan monu rai.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here