Pesoál saúde fó vasina ba komunidade iha Sentru Saúde Comoro, segunda (4/10/2021). Imajen Tatoli/Antonio Goncalves.

DILI, 12 outubru 2021 (TATOLI)— Ministériu Saúde liuhosi Sala Situasaun, Sentru Integradu Jestaun Krize (CIGC, sigla portugés), enkoraja sidadaun iha territóriu nasionál kontinua respeita regra prevensaun COVID-19.

“Ba populasaun iha Timor-Leste laran tomak, maski simu ona vasina, favór respeita nafatin regra prevensaun no ijiene individuál, ne’ebé Governu hatu’ur ona atu prevene moras COVID-19 da’et ba mai,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten, liuhosi nota ne’ebé Agência TATOLI,asesu, tersa ne’e.

Regra prevensaun COVID-19 hanesan, uza maskára, fase-liman beibeik ho sabaun ka dezinfetante ruma, evita kose liman ba matan, inus ho ibun bainhira kumprimenta malu, la presiza ka’er liman, bensa-liman, rei-malu ka haku’ak malu evita halibur malu barak hamri’ik ka tur dook husi ema seluk, mínimu metru ida ho balun.

CIGC mós enkoraja popualasaun ba fatin atu halo teste PCR, bainhira sente moras isin-manas, mear, kakorok moras ka sintoma seluk tan bele ba konsulta iha Sentru Saúde ne’ebé besik.

“Bainhira sente katak sai kontaktu-besik ba ema ruma ne’ebé detetadu pozitivu ona, no seidauk hetan kontaktu husi ekipa konjunta saúde bele liga ba númeru 119 atu organiza oinsá foti swab,” Rui Araújo fó hanoin.

Iha 11 outubru, CIGC rejista kazu pozitivu rua mai hosi munisípiu Baucau feto ida no Rejiaun Administrativu Espesiál Oé-Cusse no Ambeno (RAOEA), feto na’in ida , kazu rekuperadu 16 no kazu ativu 208.

Hosi totál kazu detetadu foun horiseik, ho idade 20:0 (0%) ho idade entre tinan 12-59 na’in rua (100%), idade 60 laiha. Husi kazu detetadu foun ohin ida, kazu ka 50% sintomátiku (hatudu sintoma).

Kumulativu kazu konfirmadu sura hosi 21 marsu 2020 to’o 11 outubru 2021 hamutuk 19.675. Hosi horisehik mai ohin, teste PCR ne’ebé Laboratóriu Nasionál Saúde halo hamutuk 10, ho detallu hanesan tuir-mai, vijilánsia sentinela laiha, rastreiu ba kontaktu ka Contact tracing laiha, rastreiu aleatóriu ka random Screening na’in hitu, viájen internasionál rua , Follow up iha kuarentena na’in ida.

Nune’e, izolamentu Vera Cruz, Lahane, HNGV no fatin seluk iha territóriu laran tomak halo tratamentu ospitaliza ba kazu detetadu pozitivu na’in 22, kompostu kondisaun grave haat, ne’ebé na’in ida uza ventiladór no tolu uza oksijéniu. Moderadu hamutuk ema na’in hitu no kaman ema na’in 11.

Iha loron 10 outubru, totál teste PCR iha munisípiu-sira seluk, RAEOA no HNGV hamutuk 126, ho detalla hanesan Maubisse rua, Maliana tolu, Viqueque rua, Suai haat, Baucau 50, Ermera laiha, RAEOA hitu, HNGV 54, Lospalos haat.

Totál doze vasina ne’ebé fó ona ba populasaun elijível tinan 18 ba leten, to’o ohin dader 10h00, loron 11 outubru tuir sistema informasaun Saúde iha Ministériu Saúde totál kumulativu 1ª doze iha Dili 79,4% no totál kumulativu 2ª doze iha Dili 70,2%.

Enkuantu, ema ne’ebé simu ona vasina doze dahuluk iha Timor Leste 64,4% no simu ona doze daruak 40,6%.

Notísia relevante: COVID-19:  pozitivu rua, rekuperadu 16 no kazu ativu 208

Jornalista: Felicidade Ximenes
Editór : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here