DILI, 11 outubru 2021 (TATOLI)Universidade de Dili (UNDIL) halo kooperasaun ho operadór telekomunikasaun, Telemor hodi fasilita dosente no estudante bele asesu matéria online ho di’ak.

Vise-Reitór I UNDIL ne’ebé trata asuntu akadémiku, Francisco Martins da Silva, hateten, universidade ne’e hakarak iha teknolojia foun atu bele fó atendementu di’ak ba estudante sira liuhosi programa online.

“Ita halo ona kooperasaun ho Telemor hodi instala server iha UNDIL atu fasilita di’ak liután dosente no estudante sira bele utuliza programa online ho full no hakarak asegura situasaun difísil tuir mai, karik Governu kotinua suspende programa aula prezensiál, ita-nia dosente no estudante sira bele hetan nafatin matéria online ho full,” Vise-Reitór I UNDIL, hateten ba Agência TATOLI, iha ninia knaar fatin, segunda ne’e.

UNDIL halo kooperasaun ho Telomor, ho kustu ba kada utilizadór (estudante ka dosente) la to’o $5, ne’ebé halo asesu ba matéria online la todan no garante prosesu aprendizajen la’o di’ak liután.

Aleinde ne’e, dosente UNDIL na’in-hitu daudaun ne’e tuir hela formasaun atu uza sistema ne’e.

“Formasaun ne’e fornese hosi ekipa tékniku Telemor, nune’e bainhira sira konklui formasaun, bele iha koñesimentu hodi fahe ba dosente no estudante sira,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here