Diretór Jerál SEFOPE, Paulo Alves. Imajen TATOLI/Francisco Sony

DILI, 11 outubru 2021 (TATOLI)Diretór Jerál Sektretaria Estadu Formasaun Profisionál no Empregu (SEFOPE), Paul Alves, informa, traballadór timor-oan na’in-71 mak prienxe ona rekezitu no preparadu arranka bá Koreia Súl iha loron 22 outubru.

Traballadór hirak ne’e sei serbisu iha área fábrika no peska.

“Sira halo ona preparasaun durante fulan-rua no prinxe ona rekezitu hanesan simu vasina kompletu, tama kuarentena no teste ho rezultadu PCR negativu molok halo viajen,” Diretór Jerál SEFOPE hateten ba Agência TATOLI, iha edifísiu Caicoli, segunda ne’e.

Notísia relevante: Traballadór timor-oan 71 sei desloka ba Koreia Súl iha outubru

Kritériu sira hosi Governu koreanu, enkuantu osan ne’ebé traballadór sira uza halo viajen hosi Timor-Leste to’o Koreia Súl hamutuk $4.000 ba kada ema, inklui ona ho billete aviaun, visa no kuarentena molok halo viajen.

“Nune’e, bainhira sira sai hosi Timor-Leste to’o Koreia Súl, sei tama kuarentena durante loron 14 ho ninia kustu ba traballadór ida $1.500. Hafoin tinan-rua Governu koreanu fó fiar ba Timor-Leste  hodi haruka traballadór sira bá, maski iha tempu pandemia COVID-19,” nia akresenta.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here