Mapa postu Uatucarbau. Imajen/Espesiál

VIQUEQUE, 11 outubru 2021 (TATOLI)Administradór postu administrativu Uatucarbau, munisípiu Viqueque, Alfrefo dos Santos, informa, kontrusaun fíziku edifísiu adiministrasaun iha suku Irabin de Baixo, daudaun ne’e kuaze konklui.

“Kontrusaun reapropriasaun konstrusaun administrasaun Uatucarbau, daudaun ne’e konstrusaun fíziku atinje ona 90% no hein atu inaugura de’it,” Administradór Uatucarbau, hateten ba Agência TATOLI, via telefónika, segunda ne’e.

Orsamentu ba reapropriasaun konstrusaun edifísiu administrasaun Uatucarbau mai hosi kapitál dezenvolvimentu ne’ebé aloka ba Planu Dezenvolvimentu Integradu Munisipál (PDIM) Viqueque ho totál $42.999.

Iha fatin seluk, Tuir Diretór PIDM munisípiu Viqueque, Domingos de Carvalho Monteiro, konstrusaun edifísiu ne’e hahú tinan 2019 to’o agora mak kuaze ramata, maibé ne’e sei hein Ajénsia Nasionál Dezenvolvimentu (ADN).

“Konstrusaun edifísiu administrasaun bele dehan tama ona faze finál, maibé atu atinje 100% ADN sei tun hodi cross check lai kontrusaun, keta balun seidauk karik,” nia akresenta.

Obra ne’e responsável hosi  kompañia lokál Luminal Unipessoal, Lda.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here