Xefe Suku Ossouala, Filipe Zeferino Correia. Imajen Tatoli/Nelson Sousa.

BAUCAU, 11 outubru 2021 (TATOLI)—Konstrusaun Uma Kbiit Laek (UKL) iha suku Ossouala, postu administrativu Vemasse, munisípiu Baucau, progresu konstrusaun fíziku atinji ona 75%.

Notísia Relevante: Suku 59 iha Baucau hahú konstrusaun Uma Kbiit Laek

“Iha ne’e, ema na’in-tolu (3) iha aldeia Waiknasa mak hetan Uma Kbiit Laek hosi Governu. Obra konstrusaun hahú la’o ona iha fulan rua liu-bá no daudaun ne’e progresu konstrsuaun fíziku atinje ona 75%,” Xefe Suku Ossouala, Filipe Zeferino Correia, hateten ba Agência Tatoli iha Osso-Uala, segunda ne’e.

Tuir identifikasaun mapamentu hosi autoridade lokál no autoridade Munisípiu, komunidade hirak ne’e kondisaun hela fatin laiha kondisaun, nune’e sira iha direitu sai benefisiáriu ba programa Governu liuhosi Programa Nasionál Dezenvolvimentu Suku (PNDS) ne’e.

Programa Governu harii Uma Kbiit Laek bae ma kbiit laek sira-ne’e fó duni benefísiu dignu ba komunidade  vulnerável sira-ne’ebé durante hela fatin laiha kondisaun, nune’e nia husu ba Governu atu bele kontinua nafatin realiza programa ne’e tanba komunidade barak mak presiza.

Suku Osso-uala iha aldeia lima mak hanesan Caidenulale, Hoineuwai, Lolinunu, Waiknasa no Umaiku ho totál populasaun hamutuk 2339 ho xefe família hamutuk 503 no maioria populasaun moris nu’udar vida agrikultór.

Suku ne’e iha potensialidade ba natar, pekuária ka haki’ak animal inklui produtu lokál sira hanesan modo no ai-fuan.

Antes ne’e, PNDS lansa ona Uma Kbiit Laek iha munisípiu Baucau, iha aldeia Aubaka, suku Triloka, postu administrativu Baucau Villa, iha loron 01 jullu 2021, ne’ebé benefísiariu hamutuk na’in-tolu, kompostu hosi Mateus da Costa, Herminia da Silva no Franquelino Nawa, ho medida uma 48m², ho totál orsamentu kada uma $17.000.

Orsamentu ba programa ne’e iha tinan 2021 hamutuk millaun $3,2, ho totál benefísiáriu hamutuk 177 iha 59 suku ne’ebé pertense iha Munisípiu Baucau. 

Notísia Relevante: 2021, Governu sei konstrui uma 177 ba “Kbiit Laek” iha Baucau

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here