Ambulánsia Multifunsaun ne'ebé apoiu hosi governu Japaun ba Ministériu Saúde to’o ona Timor-Leste, kinta 7 otubru 2021.Imajen Tatoli/Antonio Goncalves

DILI, 11 outubru 2021 (TATOLI)—Governu Japaun oferese tan ambulánsia unidade 18 ba Governu Timor-Leste (TL), liuhosi Ministériu Saúde (MS), atubele fasilita serbisu esensiál no atendimentu saúde iha territóriu nasionál.

Diretór Jerál Serbisu Koorporativu Ministériu Saúde, Marcelo Amaral, hateten, Governu Japaun oferese tan ambulánsia unidade 18, atu kompleta kompromisu apoia ambulánsia 38 ba Ministériu Saúde.

“Governu Japaun ajuda ita ambulánsia unidade 38, maibé iha fulan-maiu oferese ona ambulánsia unidade 20, nune’e iha fulan ne’e oferese tan 18 hodi kompleta sira nia kompromisu atu ajuda Estadu Timor-Leste ba serbisu ensensiál iha situasuan COVID-19,” Diretór Jerál ne’e hateten ba Agência TATOLI iha Otél Timor, segunda ne’e.

MS hahú halo planu atu distribui ba sentru saúde iha munisípiu hotu ne’ebé mak seidauk iha karreta ambulánsia multifunsaun.

Tuir nian, ambulánsia ne’e ajuda médiku sira tula ai-moruk no pesoál saúde ba halo atendimentu iha komunidade nia leet.

“Ambulánsia unidade 20 ne’ebé mak mai uluk ne’e distribui  ona  ba munisípiu no koloka balun ba Serbisu Ambulánsia Emerjénsia  Médika no balun  ba iha serbisu COVID-19,” nia esplika.

 Notísia Relevante: TL agradese Japaun ne’ebé oferese ambulánsia 38

Jornalista : Felicidade Ximenes

Editór : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here