Jogu amizade entre grupu futebol eis seminarista Balide hodi hodi selebra ezisténsia Semináriu Menór Balide (SENOFA) ba dala-XXV. Imajen/Espesiál.

DILI, 10 outubru 2021 (TATOLI)—Grupu Eternál Friends domingu ne’e realiza jogu amizade, hodi selebra ezisténsia Semináriu Menór Balide (SENOFA) ba dala-XXV.

Iha jogu amizade ne’e, grupu futebol 15 mak partisipa hanesan grupu futebol Semináriu Menór Soibada, Dare, Lahane ne’ebé atualmente iha Balide.

Reitór Semináriu no Konsilleiru Eternál Friends, Pe. Angelo Salsinha, hateten jogu amizade ne’e antigu alunu sira mak organiza hanesan formasaun, semináriu, marsa, konsertu hodi selebra ezisténsia Semináriu Menór Balide ba dala-25, liu-liu iha Balide muda hosi Lahane ne’ebé hahú kedas hosi Soibada to’o mai ohin loron ne’e tinan 70 ona.

“Selebrasaun ba ezisténsia Semináriu Menór Balide ba dala-25 ho eventu sira-ne’e hodi halibur filafali antigu alunus sira hosi Soibada, Dare, Lahane, mai Balide,” Pe. Angelo Salsinha hateten ba Agência Tatoli, iha salaun Semináriu Menor Balide, Dili, domingu ne’e.

Ho realiza kompetisaun ne’e, sira iha konsisténsia no kompromisu ne’ebé hakarak duni harii, maske ne’e inisiativa mai hosi grupu ne’ebé mak joven liu maibé sira-ne’e mak halibur ona grupu sira hosi Soibada, Dare.

“Ho kompetisaun ne’e, ita orgullu, importante sira iha komitmentu ne’ebé di’ak no sira iha inisiativa ne’ebé hakarak halibur malu maske ho difikuldade oioin. Sira aumenta barak liután, hanesan sirania kreatividade no inisiativa mais aumenta tan, buka no motiva tan maluk sira seluk. Iha futuruu, atividade ida-ne’e mak unifika sira iha planu ne’ebé mak di’akliu,” nia dehan.

Xefe Eternál Friends, Gabriel Costa de Jejus, hateten atividade torneu ne’e loloos selebra iha fulan maiu maibé tanba pandemia COVID-19, entaun atividade ne’e realiza fali iha fulan-outubru ne’e,” nia dehan.

Iha jogu amizade ne’e, atu kria fraternidade no amizade entre eis seminarista sira hotu tuir tinan sira akaba eskoka iha SENOFA Balide.

“Signifika katak, sé de’it mak finaliza nia estudu iha Semináriu Menór Balide, sira hirak ne’e mak agora daudaun partisipa iha ne’e, ne’ebé ita konsidera hosi Semináriu Menor Soibada, Dare, Lahane, atualmente iha Balide,” nia dehan.

Nia informa, trajetu ba jogu ne’e, ita halo durante fulan ida, nune’e itania planu iha fulan outubru hosi 31 ne’e, itania jogu amizade ne’e bele termina ona,” nia informa.

Jogu ida-ne’e ne’e, nia dehan, hanesan torneu amizade ka fraternidade no oinsá mak atu halibur, hamoris no hametin liután amizade ne’ebé mak antes ne’e kuda ona iha Semináriu Menór Balide.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here