Xefe Suku Fohorem, Fernando Pereira. Imajen Agência TATOLI/Celestina Teles

COVALIMA, 09 Outubru 2021 (TATOLI) – Kondisaun estrada iha Munisípiu Covalima, Postu Administrativu Fohorem, Suku Fohorem, aldeia Lorokida, difikula transporta materiál kontrusaun ba Uma Kbiit Laek (UKL) iha aldeia refere.

Ho kondisaun estrada ne’e halo kompañia ne’ebé implementa Programa Nasionál Dezenvolvimentu Suku (PNDS) atu kontrui projetu ne’e defísil tebes. Nune’e mós distánsia entre aldeia Lorokida ho suku  Fohorem ho kilómetru 10.

“Ha’u rasik hato’o ona proposta ba iha administrasaun munisípiu Covalima  no mós instituisaun sira seluk maibé to’o  ohin loron seidauk iha resposta, programa uma kbiit laek ne’e foin mak ke’e fondasi” Xefe Suku Fohorem Fernando Pereira, informa ba Agência TATOLI, iha Covalima, Sábadu ne’e

Xefe Suku ne’e fó-sai katak, kompañia foin mak ke’e fondasi maibé atu transporta materiál defísil tebes, entaun iha tempu udan difisil liután.

Suku Fohorem ne’ebé lokaliza iha postu administrativu Fohorem ne’e kompostu hosi aldeia Fatuk-laran, Sadahur, Hatubitik, Lorohali no Lorokida.

Bazea Livru 3B (Munisípiu), munisípiu Covalima hetan alokasaun orsamentu liuhusi Programa PNDS-UKL hamutuk tokon $1.6. Hosi totál ne’e atu finánsia ba atividade fíziku hamutuk tokon $1.5 ba suku 30 (aldeia 90), operasional rihun $90,000 no fee ba BNCTL rihun $3,240.

Jornalista:Celestina Teles

Editór : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here