Ilustrasaun Infesaun Respiratóriu Aguda. Imajen/Espesiál

DILI, 08 outubru 2021 (TATOLI)—Durante fulan setembru Klínika Bairro-Pité rejista  pasiente ho moras infesaun vias respiratóriu ka ISPA hamutuk 509.

“Iha fulan setembru ami rejista moras ISPA hamututk 509 husi labarik to’o ema boot,” Diretór Klínika Bairu-Pité, Inácio do Santos hateten ba Jornalista Tatoli iha nia kna’ar fatin, ohin.

Husi  moras ISPA  ne’e nia impaktu  mak  mai husi rai-rahun  tanba  haree tempu  bailoron fatór sira ne’ebé mak kontribuisaun ba moras ISPA mak dahuluk fatór ambiente  no daruak mak fatór estilo-da-vida ne’e mak sai fatór sira e’ebé mak kontribui moras ISPA.

Ko’alia kona-ba ambiente ne’e mós bele kria  infeksaun husi  mikrobakteria sira iha rai ba fali ema entaun ISPA ne’ebé bele kauza mai husi bakteria  ka mai husi virus.

Tanba ISPA balun grave ne’e mai husi virus pneumonia  entaun ita-nia pesoál sira ne’ebé mak iha,  halo atendimentu ba  ita-nia populasaun  tanba ISPA ne’e fasil atu halo tratamentu  bainhira nia kauza ne’e mai virus.

“ISPA ne’e mai husi bakteria  signifika  tenki halo tratamentu  husi pesoál saúde sira  tanba nia presiza konsumu ai-moruk antibiotic liuliu ba labarik sira, périgu tebes. Se ita la halo tratamentu mak tenki  lakon vida,” Diretór Klínika Bairro-Pité,  Inácio do Santos informa.

Entretantu, Klínika Bairru-Pité rejista mós moras sira hanesan tee-been akutan 63, tee-been ho raan  hitu, moras kulit seluk 87, asidente seluk 69, maternidade 77, tuberkuloze  35, malária tolu, no nutrisaun 149.

Notísia relevante:Moras ISPA Domina iha Sentru Saúde Becora

Jornalista : Felicidade Ximenes

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here