DILI, 08 outubru 2021 (TATOLI)- Institutu Defeza Nasionál (IDN)  husi nasaun 28 iha mundu inklui Timor-Leste (TL), partisipa iha forum Association of South East Asian Nation (ASEAN) ne’ebé organiza husi National defence University (NDU)  iha Islamabad Pakistaun.

Konferénsia internasionál  ne’e hala’o liuhusi aplikasaun virtuál iha forum ASEAN rejionál ba dala 24 , realiza iha Auditorium National Defence University iha  Islamabad, Pakistaun, durante loron tolu,  5-8 outubru tinan ne’e.

Asuntu interesante ne’ebé aprezenta husi NDU, Pakistaun hanesan chair no co-chair  husi NDU Malázia ho sub-tema  ida  kona-ba transformasaun konflitu no ameasa globál inovasaun teknolojia altera kater funu nian, transforma ba konflitu no ameasa globál, inklinasaun iha utilizasaun avansaun teknolojia ba propozitu pás nian, kontribui iha saltu ida ba estabilidade sosiu-ekonómiku, pás no teknolojia implementa no estratéjiku lideransa militár servisu ba pás no iha persepsaun husi nia papél servisu tradisionál ne’ebé iha.

Ba  sub-tema  daruak, ko’alia lideransa militár no konstrusaun ba pás, lideransa militár dinámika nesesáriu senáriu estratéjiku husi seguransa no nia konstante evolusaun.

Edukasaun estratéjika iha konjuntu avansadu teknolojia kontemporanea kontribui ba pás no seguransa sustentável, no dezafiu iha kombate kolokasaun husi ameasa husi seguransa transnasionál.

Iha  sub-tema datoluk maka ko’alia ba kolaborasaun no koperasaun ba pás, rezolusaun konflitu sai hanesan segmentu prioritáriu husi kurríkulu iha instituisaun, ensinu militár no defeza nian.

No, mudansa iha abordajen husi reativu no proativu, nesesáriu iha inovasaun iha kurríkulu edukasaun ba defeza hodi hadi’a di’ak liután abilidade iha prevensaun konflitu entre lideransa militár nian.

Nune’e pontu sira presiza konsidera, nesesidade solusaun inovadora ba ameasa, persepsaun husi ameasa kontemporanea, veikulu entre inovasaun no treinamentu, aumenta envolvimentu no kooperasaun iha teknolojia ba pás no seguransa.

Diretór Akadémika IDN, Guilherme Soares, hateten pontu interresante no importante husi diskusaun iha konferénsia entre instituisaun IDN, husi 28 país husi membru  ARF nian tinan-tinan sempre iha inkontru virtuál  ne’e no IDN -TL sempre partisipa.

“Konferénsia ne’e  importante tebes ko’alia atividade IDN nasaun  28, inklui  fahe esperiénsia kona-ba ambiente seguransa rejionál no globál ho  metodolojia ensinu formasaun nian,” Guilherme Soares, hateten liuhusi nota ne’ebé Agência Tatoli, asesu, sexta ne’e.

Nia hatutan vantajen ne’ebé IDN -TL, hetan husi sorumutu ne’e, bele koñese di’ak  liután instituisaun IDN sira liuliu instituisaun sira ne’ebé liga ho ensinu formasaun nian.

Tuir nia, IDN –TL partisipa iha programa ne’e hahú husi Brunei, Coreia, Filipina, India. Enkuantu membru sira iha instituisaun IDN sira bolu Defence University Institutions Meeting ne’e tinan-tinan hasoru malu iha enkudra ARF, no IND-TL hanesan membru ARF tiha ona, nune’e hanesan membru ARF tenke partisipa iha enkontru sira hanesan ne’e, mezmu  seidauk sai membru permanente iha ASEAN.

“Normalmente IDN partisipa iha enkontru ne’e hanesan observador no aprezenta mós atividade sira ne’ebé mak durante ita halo” nia hateten.

Notísia relevante:Grande debate IDN-TL, reforsa konstrusaun Estadu no Nasaun

Jornalista: Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here