Xefe Estadu-Maiór Forsa Armada (XEMFA), Brigadeiru Jenerál Calisto dos Santos Coli ‘Coliati’ . Imajen TATOLI/Egas Cristóvão

DILI, 08 outubru 2021 (TATOLI)-Falintil Forsa Defesa Timor-leste F-FDTL, ho Forsa Nasionál Indonézia (TNI, sigla Indonézia), diskute kooperasaun bilaterál iha área defeza.

“Ida ne’e reuniaun anuál entre Timor-Leste ho TNI Indonézia partikularmente ho Forsa Terrestre ka Angkatan Darat nia objetivu atu ko’alia kona-ba koperasaun bilaterál iha área defeza,” Xefe Estadu Maiór F-FDTL, Brigadeiru Jenerál, Calisto dos Santos ‘Coliati’, hateten ba jornalista iha Kuartel Jenerál, Fatuhada, sesta ne’e.

Durante sorumutu área sira ne’ebé diskute primeiru mak ko’alia kona-ba rekursu umanu oinsá mak parte hosi Indonézia nian hanesan nu’udar parseiru bele ajuda formasaun  iha área barak. Hanesan iha área infantaria nian prepara ofisias parte komponente Terrestre F-FDTL sei ba tuir formasaun iha Indonézia.

Nune’e mós iha área kavalária, artilária. “Sira ajuda ona artilaria neen ida iha Metinaru nune’e ita sei kontinua hamutuk ho TNI atu forma ita-nia militár sira iha área ida ne’e,” Nia dehan.

Parte rua ko’alia kona-ba área saúde no kooperasaun hodi bele garantia estabilidade seguransa iha liña fronteira.

Enkuantu partisipa iha sorumutu ne’e reprezantante Forsa Armada Indonézia, Adidu Defeza Indonézia iha TL, no adidu TL iha Jakarta.

Jornalista:Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here