Imajen/OMS

DILI, 07 outubru 2021 (TATOLI)—Iha périodu setembru, Klínika Bairru-Pité (KBP) rejista kazu Tuberkuloze (Tb) hamutuk 36 no mate na’in tolu.

“Iha setembru, ami programa Tuberkuloze Klínika Bairru-Pité rejista kazu tb hamtuuk 36 no mate na’in tolu tanba mai ho grave ona,” Xefi programa Tuberkuloze  KBP, José Maia Soares informa ba TATOLI via telefone, ohin.

Notísia relevante:FKD halo sensibilizasaun kona-bá tuberkuloze

Husi númeru  36 ne’e,  balun pozitivu transfere ba Tibar halo tratamentu no sira seluk halo tratamentu lorloron iha KBP. Tanba, tuir ezekutivu ne’e katak pasiente tuberkuloze sira ba halo tratamentu maioria ferik-katuas,  idade joven, no iha labarik tinan haat na’in ida. Pasiente sira ne’e husi Dili mak barak.

“Ai-moruk ne’ebé mak atu halo tratamentu ba iha  Tb nafatin sufisente  no ai-moruk ne’e rasik iha oin haat maibé iha kombinasaun ba pakote ida mak hanesan  etambutol, ripacilin, isoniazid no vinamid,” Nia esplika.

Prevensaun ba moras Tb ne’e, Xefi programa Tuberkuloze, José Maia Soares esplika katak bainhira iha ona sintoma ka moras Tb tenke halo lalais tratamentu saúde iha fasilidade saúde  ne’ebé mak besik tanba tb ne’e rasik da’et lalais ba família sra ne’ebé mak hela hamutuk.

“Moras hada’et ne’e mosu tanba  afeta  husi  Mycobacterium tuberculosis ne’ebé  fasil liu atu invade ema nia pulmaun no da’et liután ba ema nia ruin kotuk-laran, sérebru (kakutak)   no  órgaun isin seluktan,” Nia esplika.

Notísia relevante:Timor-Leste iha kompromisu serbisu ho parseiru prevene no kura Tuberkuloze

Jornalista : Felicidade Ximenes

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here