Pesoál saúde sira halo teste swab Covid-19 ba komunidade sira iha SIJK, kuarta, 25/8/2021. Imajen Tatoli/Antonio Goncalves

DILI, 07 outubru 2021 (TATOLI)—Sala Situasaun, Sentru Integradu Jestaun Krize (SIJK), rejista, pozitivu 20  rekuperadu 26,  no kazu ativu 295.

”Kazu foun ohin 20, hosi Dili na’in 15,  no munisípiu seluk hamutuk na’in lima  ne’ebé kompostu hosi mane 12, feto ualu’,” Kordenadór Forsa-Tarefa ba Prevensaun no Mitigasaun, Rui Maria de Araújo hateten liuhosi komunikadu, kinta  ne’e.

Hosi totál kazu detetadu foun ohin, ho idade 20, ida (5%) ho idade entre tinan 12-59 na’in 19 (95%), idade 60  la iha. Husi kazu detetadu foun ohin lima kazu  ka 25% sintomatiku (hatudu sintoma).

Kumulativu kazu konfirmadu sura hosi 21 marsu 2020 to’o   07 outubro  2021 hamutuk 19.633. Hosi horisehik mai ohin, teste ne’ebé Laboratóriu Nasionál Saúde halo hamutuk 124, PCR, ho detallu hanesan tuir-mai, Vijilánsia sentinela la iha, rastreiu ba kontaktu ka Contact tracing  la iha,  Rastreiu Aleatóriu  ka Random Screening na’in 30,   viájen internasionál  88, follow up iha kuarentena na’in  neen.

Totál testes PCR ne’ebé halo horisehik 06 outubru  iha munisípiu-sira seluk, RAEOA no HNGV hamutuk 240, ho  detalla hanesan tuir-mai, Maubisse 20, Maliana 15, Viqueque  12, Suai 13, Baucau 90,  Ermera ida,  RAEOA rua, HNGV 74, Lospalos 14.

Totál doze vasina ne’ebé fó ona ba populasaun elijível tinan 18 ba leten, to’o ohin dader 10h00,  loron 07 outubru tuir sistema informasaun Saúde iha Ministériu Saúde  totál  kumulativu 1ª doze iha Dili (79,1%). Totál  kumulativu 2ª doze  iha Dili (69,6%).  Ema ne’ebé simu ona vasina doze dahuluk iha Timor Leste  (62,9%). No, simu ona doze daruak  (39,5%).

Atu bele hatene surtu ida ninia evolusaun no mós surtu ne’e aumenta ka diminui, indikadór seluk ne’ebé matenek-nain epidemiolojia nian uza, maka insidénsia.

Konvensionalmente, insidénsia sukat totál kazu foun kada loron pur mil abitante, no hatudu risku ne’ebé populasaun iha atu hetan da’et  moras ida.

Hosi insidénsia COVID-19 iha Timor-Leste, durante loron hitu ikus maka 1,5/100 mil abitante,  enkuantu ba de’it munisípiu Dili 2,1/100 mil abitante.

Ohin, Baucau iha insidénsia 6,5/100 mil abitante, RAEOA iha insidénsia 2,0/100 mil. Dadus hatudu katak  insidénsia munisípiu Dili, munisípiu Baucau   no RAEOA tuir-tuir malu aas-liu, iha Timor-Leste laran tomak  hatudu risku aas-liu, atu populasaun hetan da’et, no hada’et tutan virus SARS-CoV-2, iha komunidade nia le’et.

Iha loron  07 outubru  de 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na’in 22,  ho detalle hanesan tuir mai grave hamutuk na’in  lima, na’in  rua uza ventiladór ,na’in tolu uza oksijéniu. Moderadu hamutuk ema na’in 11. Kaman ema na’in hamutuk neen.

Informa bá públiku katak hahú 30 setembru 2022, Governu hakotu ona serka sanitária iha munisípiu Dili. Nune’e, sidadaun sira bele ona sirkula livremente sai/ka tama munisípiu Dili, maibé tenki nafatin kumpri regra prevensaun & ijiéne pesoál hanesan: uza máskara, fase-liman bebeik ho bé no sabaun ka ho dezinfetante ruma, mantein distánsia minimu metru ida ho baun, evita halibur malu barak.

Aproveita hato’o mós ba públiku katak, fatin atu halo teste PCR maka hanesan tuir mai bainhira sente moras isin-manas, mear, kakorok moras ka sintoma seluk tan  bele ba konsulta iha Sentru Saúde ne’ebé besik. Bainhira sente katak sai kontaktu-besik ba ema ruma ne’ebé detetau pozitivu ona, no seidauk hetan kontaktu husi ekipa konjunta saúde bele liga ba númeru 119 atu organiza oinsá foti swab.

 Ba populasaun iha Timor-Leste laran tomak, maski karik simu ona vasina, favor respeita nafatin regra prevensaun no ijiéne individuál, ne’ebé Governu hatu’ur ona, atu prevene moras COVID-19 da’et ba mai. Regra sira ne’e, hanesan ita hotu hatene ona, maka uza mascara fase liman beibeik ho sabaun ka dezinfetante ruma  evita kose liman ba matan, inus ho ibun  bainhira kumprimenta malu, la presiza ka’er liman, bensa-liman, rei-malu ka haku’ak-malu evita halibur-malu barak  hamri’ik ka tur do’ok husi ema seluk, mínimu metru ida ho balun.

Jornalista: Felicidade Ximenes

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here