Komisáriu AA/Alfándega, José António Fátima Abílio. Imajen TATOLI/Egas Cristovão

DILI, 07 outubru 2021 (TATOLI)—Autoridade Aduaneira (AA)/Alfándega konsege arrekada reseita hosi servisu alfandegáriu hamutuk $45.882.007,2 iha fulan janeiru to’o 30 setembru tinan ne’e.

“Osan sira ne’ebé rekolla, mai hosi taxa importasaun, taxa seletivu konsumu, no taxa sobre venda, inklui penalidade sira,” Komisáriu AA, José António Fátima Abílio, hateten, ba Agência TATOLI, iha ninia knaar fatin, iha Palásiu Governu, kinta ne’e.

Hosi totál ne’e, kompostu hosi taxa importasaun hamutuk $9.804.867,23, taxa seletivu konsumu $24.983.383,17, taxa sobre venda $10.851.530,06, enkuantu, penalte (PEN) $101.636,31, PFR $47.055,32, Custom Duty ka dever alfadegáriu $93.534,93.

Enkuantu, sasán importasaun ne’ebé durante ne’e tama hanesan nesesidade bázika, aimoruk, no konstrusaun, maibé tanba situasaun pandemia halo kuantidade sasán menus, importasaun motorizada no veíkulu barak liu uzadu.

“Sasán importasaun sira durante ne’e, konstrusaun mak menus, tanba ne’e sasán ne’ebé fa’an karun bele akontese tanba demanda barak no importasaun menus, entaun stoke laiha, negosiante hasa’e folin. Tuir loloos komérsiu iha padraun presu hodi fasil halo monitorizasaun, maibé seidauk iha, tanba ho merkadu livre  sira tenta halimar presu,” nia preokupa.

Notísia relevante: Janeiru-abríl, Alfándega rekolla reseita doméstika millaun $12-resin

Desde janeiru to’o abríl nia laran, Alfándega rekolla reseita doméstika liuhosi servisu alfandegáriu hamutuk millaun $12-resin, ne’ebé konsidera tuun tanba antes ne’e normalmente reseita ba fulan tolu millaun $15, maibé tanba implementasaun serka sanitária no konfinamentu obrigatóriu, halo movimentu menus, nune’e reseita la tuir alvu.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here