Formadu sira halo hela prátika iha Sentru Formasaun Tibar. Imajen TATOLI/António Gonçalves

DILI, 06 outubru  2021 (TATOLI)—Sentru Nasionál Empregu no Formasaun Tibar halo abertura formasaun iha semana oin, ba área prioridade haat, ho nível médiu.

“Semana oin iha loron 11 outubru,  iha abertura kursu nível média ho level tolu, ba área hanesan konstrusaun, agrikultura no ospitalidade turizmu, inklui tékniku espesialista infraestrutura bázika ba instalasaun bee-moos ba komunidade,” Diretór Sentru Nasionál Empregu no Formasaun Tibar, Simão Tito Barreto, informa ba Agência TATOLI, via telefónika, kuarta ne’e.

Totál formandu ne’ebé sei partisipa másimu ema na’in-25, ne’ebé daudaun ne’e ekipa organizadora atividade sei verifika hela.

“Komisaun sei haree didi’ak kandidatu sira ne’e no semana oin sira sei mai aprezenta-an hodi tuir formasaun,” Diretór Sentru Nasionál akresenta.

Tuir Responsável sentru, maski iha situasaun serka sanitária no konfinamentu obrigatóriu momentu ne’ebá, maibé kontinua fó formasaun ba ema na’in-150 iha área formasaun agrikultura, konstrusaun, no marítima.

Aleinde ne’e sentru nasionál ne’e daudaun fó formasaun ba móvel iha munísipiu ba ema na’in-75 iha área agrilultura, konstrusaun no área seluk tan.

 Jornalista : Natalino Costa

Editora       : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here