Médiku-sira prepara hela vasina hodi oferese ba komunidade. Imajen Tatoli/António Gonçalves.

VIQUEQUE, 06 outubru 2021 (TATOLI)-Profisionál saúde no autoridade lokál esforsu no serbisu maka’as hodi hasa’e taxa partisipasaun komunidade nian hodi hasa’e númeru vasina hodi kombate propagasaun surtu Covid-19 iha Timor-Leste (TL).

“Iha Viqueque, profesionál saúde no autoridade lokál-sira serbisu maka’as la’o to’o suku no aldeia sira ne’ebé iha área rurál,” Diretór servisu saúde munisípiu Viqueque, Francisco de Carvalho ba Agência Tatoli, iha nia knaar fatin, Boro Matan, Viqueque Vila, kuarta ne’e.

Ho esforsu no serbisu maka’as profisionál saúde no autoridade lokál sira nian, dadus atinjimentu vasina iha munisípiu Viqueque, iha loron 5 outubru, iha kada postu lima mak hanesan  Postu Lacluta alvu nasionál 4.101, dose dahuluk atinjimentu 3.571 (87.1 %), dose daruak 1.986 (48.2%) no totál ema na’in 350 (12.9%) seidauk vasina.

Postu Ossu alvu nasionál 10.187 dose dahuluk atinjimentu 7.123 (87.1 %), dose daruak 4.610 atinji ba 45.3%. Totál ema na’in 3.064 (30.1%) seidauk vasina.

Postu Uatucarbau alvu nasionál 4.213, dose dahuluk atinjimentu 2.913 (69.1%) no dose daruak 1.852 atinji ba 43.9%. Totál ema na’in 1.300  (30.9%) seidauk vasina.

Postu Uatulari alvu nasionál 10.775, dose dahuluk atinjimentu 8.007 (74.3 %), dose daruak 5.091 atinji ba 47.2%. Totál ema na’in 2.768 (25.7%) seidauk vasina.

Postu Viqueque Vila alvu nasionál 14.663, dose dahuluk atinjimentu 11.074 (75.5 %), dose daruak 6.503 atinji ba 44.3%.. Totál ema na’in 3.589 ( 24.5%) seidauk vasina.

Alvu vasina ba munisípiu Viqueque totál hamutuk 43.939, dose dahuluk 32.688, atinji ba 74.4% no dose daruak 20.042, atinji ba 45.6%. Totál ema vasina 11.251 no ema seidauk vasina 25.6 %.

Nia  informa, agora dadaun profesionál saúde sei kontinua fó vasina ba komunidade ne’ebé iha área izolada sira.

Jornalista :Vitorino Lopes da Costa
Editór :Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here