Ekipa AS Ponta Leste. Imajen Mídia LFA

DILI, 06 outubru 2021 (TATOLI) – Treinadór Prinsipál klube Primeira Divizaun Liga Futeból Timor – Leste (LFTL) AS Ponta Leste, Fransico de Araújo hateten,  hahú prepara an hodi kompete iha Liga époka ne’e.

Klube istimadu hosi rai-ulun ho orijen  Lospalos Lautem ne’e tenke prepara an antes jogu tanba tuir oráriu tentaviva ba Liga sei halao outubru to’o dezembru 2021 ne’e.

“Ami hahú treinu semana ida ona, tanba kalendáriu sai ona manajement (jestaun) klube orienta ona ha’u fó treinu ba jogadór sira. Ha’u foku liu ba jogadór na’in 10 resin ne’ebé durante ne’e halimar de’it iha uma. Sira mak ha’u tenke fó treinu maka’as atu rekoopera fali sirania estamina,” Francisco dehan ba Agéncia Tatoli kuarta ne’e iha kampu Federasaun Futeból Timor – Leste (FFTL), Dili.

Treainamentu ba jogadór sira hala’o provizóriu iha tasi ibun, Praia dos Coqueiros nian hahú dadeer, segunda to’o sesta hodi hasa’e estamina jogadór nian liu-liu parte fíziku.

“Agora ha’u foku maka’as ba sira-nia fíziku. Entaun tenke lori sira ba halai iha tasi. Ami mós aluga kampu Markoni hodi hala’o treinamentu ba tátika nian maibé bainhira jogu besik mak ami foin treinu tátika no tékniku atu partisipa jogu,” nia dehan.

Dadauk ne’e, jogadór ne’ebé Ponta Leste fó ona kontratu hamutuk na’in 18 no ba oin klube sei aumenta tan jogadór hodi kompleta jogadór na’in 27.

“Ha’u iha parte tékniku nian sei rekomenda ba na’in ba klube sira atu halo kontratu tan ho jogadór balun tan hodi reforsa. Ha’u haree ami nian parte klaran sei menus, buka tan na’in rua nune’e kotuk ida ka rua tan oin ida tan los ona,” Eis treinadór Atletico Ultramar ne’e dehan tan.

Ponta Leste hanesan klube ida ne’ebé bele dehan forsa maka’as mós iha Primeira Divizaun kompara ho Assalam FC, Lalenok United FC, Boavista FC Timor no Karketu FC.

Francisco hanesan treinadór ne’ebé Ponta Leste foin kontrata iha 2021 fulan hirak liubá hodi substitui treinadór sesante Eduardo Pereira ne’ebé agora dadauk hanesan treinadór selesaun nasionál U-19.

Bainhira kaer Ultramar iha 2017 konsege hatudu prova no oferese títulu kampiaun tasa 12 de Novembru ba Atletico Ultramar.

Ho esperiénsia naton ne’e fó konfiansa ba Francisco hodi lidera Ponta Leste durante époka ne’e.

Jornalista: Hortencio Sanchez

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here