Prezidente Conselho Imprensa (CI), Virgílio da Silva Guterres. Imajen Tatoli/Egas Cristóvão.

DILI, 06 outubru 2021 (TATOLI)—Prezidente Conselho de Imprensa (CI), Virgílio da Silva Guterres, informa CI ezekuta ona Orsamentu Jerál Estadu (OJE) 2021 hamutuk 39,4%, hosi totál orsamentu $977,448.

“Hosi janeiru to’o 04 fulan outubru ne’e, Conselho de Imprensa ezekuta ona Orsamentu Jerál Estadu (OJE) 2021 ne’e, hamutuk 39,4%,” Virgílio da Silva Guterres hateten ba Agência Tatoli, iha nia knaar-fatin, Quintál Boot, Dili, tersa ne’e.

Hosi totál $977,448 ne’e, CI ezekuta ba saláriu no vensimentu hamutuk $402,795, bens no servisu hamutuk $484,653, no kapitál menor hamutuk $90,000.

Ezekusaun orsamentu ne’e barak liu ezekuta ba atividade Dili Dialogue Forum (DDF), formasaun no sensibilizasaun lei komunikasan sasiál artigu 34 kona-bá ‘Direitu ba Resposta no Retifikasaun’ ba mídia officer instituisaun públika iha munisípiu sira.

“Tanba estadu emerjénsia, serka sanitária no konfinamentu domisiliáriu, entaun atividade sira-me’e labele la’o. Ho nune’e, orsamentu seidauk bele ezekuta tuir planu asaun anuál,” nia dehan.

Prezidente CI ne’e informa, loloos iha atividade barak ne’ebé loloos CI atu halo maibé hadi’a hotu, hanesan Dili Dialogue Forum ne’ebé gastu orsamentu mil $50-resin ne’e muda ba novembru no dezembru, no atividade Balibo Five ne’ebé atu realiza iha 16 outubru 2021 ne’e.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here