Vise-Ministru Edukasaun Juventude no Desportu, Antonio Guterres, identifika rai atu konstrui eskola ho sala-de-aula tolu iha Covalima. Imajen Tatoli/Celestina Teles.

COVALIMA, 06 outubru 2021 (TATOLI)—Vise Ministru Edukasaun Juventude no Desportu (MEJD), António Guterres, idenfika rai atu konstrui eskola ho sala-de-aula tolu iha Eskola Sekundária Jerál Públiku (ESJ) Covalima.

Ohin ha’u mai vizita eskola ida-ne’e, atu haree fatin tanba eskola ida-ne’e mós hetan oportunidade atu halo konstrusaun sala-de-aula tolu,” António Guterres hateten liuhosi nia diskursu iha kampañia vasinasaun nasionál iha Eskola Sekundária Jerál Covalima, kuarta ne’e. 

Governante ne’e hateten, dezenvolvimentu edukasaun atu la’o ba oin la’ós Governu liuhosi Ministéu Edukasaun Juventude no Desportu de’it, maibé presiza ema hotu servisu hamutuk hosi baze to’o nasionál, atu nune’e edukasaun sai forti liután.

Diretòr Edukasaun Munisípiu Covalima, Edmundo Pereirra, hateten konstrui eskola ho sala-de-aula tolu iha Eskola Sekundáriu Jeral Covalima ne’e, la inklui ho biblioteka no eskritóriu. 

“Ministru Edukasaun Joventude no Desportu foin lalais mai vizita ne’e dehan, sei tau iha grande projetu hodi konstrui eskritóriu, biblioteka no laboratóriu dala ida de’it,” Edmundo klarifika 

Molok ne’e, Ministru Edukasaun Joventude no Desportu liuhosi Diretór Jerál Planu Polítika Inkluzaun, Odilia Uns Martins, disemina matadalan kona-bá reabilita eskola ne’e, iha Covalima sei reabilita eskola 16.

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here